“Istiqlol”da nima gaplar?

“Quvasoy tamir qurilish” masulyati cheklangan jamiyati huzuridagi “Istiqlol” futbol jamoasi o'tish musobaqalarida muvaffaqiyatli qatnashib 2017-yilgi mavsumda mamlakat futbol chempionatining Birinchi ligasida qatnashish huquqini qo'lga kiritdi.

O'tish o'yinlari Sirdaryo viloyatining Yangier shahar stadionlarida bo'lib o'tdi. Musobaqalarda “Istiqlol” bilan birga  Andijondan “SHahrixon”, Toshkentdan “Bunyodkor-2”, Sirdaryo viloyatidan “Boyovut” va “Yangier”, Toshkent viloyatidan “Angren” kabi jamoalari ishtirok etishdi.

SHu kunlarda jamoa yangi mavsumga va 26 yanvardan boshlanadigan “Hokim Kubogi-2017” turniriga qizg'in xozirlik ko'rishmoqda. Biz esa “Istiqlol” jamoasi bosh murabbiyi Nail Gumanovning turnir oldi fikrlari bilan qiziqdik.

– Yosh jamoamiz bilan birga bizga bildirilgan ishonchni oqlash uchun musobaqaning birinchi yilida etakchi ligada mustahkamlanib olish, yosh iqtidorlarni tanlash va tarbiyalash, ko'plab muxlislarni chiroyli va natijali o'yinlarimiz bilan quvontirishga harakat qilamiz. Buning uchun birinchi o'rinda Farg'ona viloyati “Hokim Kubogi”da nimalarga qodir ekanligimizni isbotlashimiz kerak bo'ladi. Umuman olganda jamoaning ruhi balanddir va g'olibona yurishlarga tayyormiz, – dedi farg'onaliklar ustozi.

Bahodir Ergashev