Islom To'xtaxo'jaev: "Antonio Sorioglu o'z ishining ustasi. Uning qaytganidan xursandmiz"
11 fev 2021 08:25
Yangiliklar
![](https://championat.asia/upload/storage/619459_original.jpg)
![](/upload/storage/619459_220.jpg)
Islom To'xtaxo'jaev: "Antonio Sorioglu o'z ishining ustasi. Uning qaytganidan xursandmiz"
Xabarigiz bor, yig'in avvalida Vadim Abramovning murabbiylar shtabi tarkibida o'zgarish yuz berdi. O'zbek futboli ixlosmandlariga tanish bo'lgan Antonio Sarioglou endilikda jismoniy tayyorgarlik bo'yicha murabbiy sifatida milliy jamoamizda faoliyat olib boradi. Biz shu va boshqa mavzularda terma jamoamizning mahoratli himoyachisi Islom To'xtaxo'jaevning fikrlari bilan qiziqdik.
"Yig'in ko'tarinki kayfiyatda o'tmoqda. Ha, BAAdagi mashg'ulotlarda asosan mahalliy futbolchilar ishtirok etyapti. Menimcha rasmiy o'yinlarda kim o'ynashini yoki o'ynamasligini murabbiy hal qiladi. Qolaversa o'sha paytga kelib legionerlar etib kela oladimi yoki yo'qmi Yaratganga ayon. Hozirgi sharoitda qancha ko'p yig'in o'tkazilsa terma jamoa uchun shuncha foydali bo'ladi.
Murabbiylar shtabida o'zgarish yuz berdi. Hammasi yaxshilikka bo'lsin, deb qolamiz. Antonio o'z ishining ustasi. Uning qaytganidan xursandmiz. Jismoniy holatni qandayligi birinchi navbatda futbolchining o'ziga bog'liq. Bugungi zamonaviy futbolda jismoniy tayyorgarlik bo'yicha murabbiylar eng kerakli mutaxassislar hisoblanadi.
O'rtoqlik uchrashuvlari, ayniqa "Zenit"ga o'xshagan Evropa darajasidagi raqiblar bilan o'yinlar har doim foydalidir", - dedi To'xtaxo'jaev.
O’xshash yangiliklar
![AMP Logo](https://championat.asia/image/logo-amp.png)
Fikrlar