Islom Kenjaboev: Olimpiya terma jamoamizdagi yigitlarda g'alabaga bo'lgan ishtiyoq kuchli
05 jan 2020 12:37
Yangiliklar
![](https://championat.asia/upload/storage/537639_original.jpg)
![](/upload/storage/537639_220.jpg)
Islom Kenjaboev: Olimpiya terma jamoamizdagi yigitlarda g'alabaga bo'lgan ishtiyoq kuchli
Musobaqada Tokio-2020 olimpiadasi yo'llanmasi uchun bahs olib boradigan O'zbekiston olimpiya terma jamoasi kecha musobaqa doirasidagi ilk uchrashuvini o'tkazadigan Songxla shahriga etib keldi.
Terma jamoamiz azosi Islom Kenjaboev Osiyo chempionati oldidan O'FA rasmiy saytiga o'z fikr va mulohazalarini bildirib o'tdi:
- Osiyo chempionatiga yaxshi tayyorgarlik olib bordik. Barchasi yuqori darajada tashkillashtirildi. O'rtoqlik o'yinlari ham etarlicha o'tkazildi, deb o'ylayman.
Asosiysi – jamoamizdagi yigitlarda ishtiyoq kuchli va barcha faqat chempion bo'lish haqida o'ylayapti. Yigitlar shijoatga to'la. Bu erga nima uchun kelganimizni hamda zimmamizda qanday masuliyat turganini yaxshi anglab turibmiz. Birinchi galda yurtimizdagi ko'p sonli muxlislarni g'alabalar bilan xursand qilishga urinamiz.
To'g'ri, balkim juda kuchli va qiyin guruhdan o'rin olgandirmiz. Lekin biz bundan aslo qo'rqayotganimiz yo'q. Nasib etsa, musobaqa davomida ishonchli va mazmunli o'yin ko'rsatishga harakat qilamiz. Men o'zim ham qo'ldan kelgancha terma jamoamizga foyda keltirishga urinaman. Hudo xohlasa, yurtimizga yorug' yuz bilan qaytamiz, - dedi istedodli futbolchi.
O’xshash yangiliklar
![AMP Logo](https://championat.asia/image/logo-amp.png)
Fikrlar