Iskanderov, SHomurodov, Hamdamov, va SHukurov nima uchun Nukusga bordi? Ravshan Xaydarov javob berdi

Biz festival doirasida murabbiyning fikrlari bilan qiziqdik.

«Taassurotlarimiz ajoyib. Bolalar kuniga atab Qoraqalpog'istonda juda katta bayram tadbirlari o'tkazildi. Ertalabdan beri biz har xil yoshdagi bollar bilan ko'rishdik, bog'cha ochilishida qatnashdik. Biz bu erga juda katta delegaciya bilan keldik. Men bilan birga Jamshid Iskanderov, Eldor SHomurodov, Doston Hamdamov, Otabek SHukurovlar kelib mana shunday bolajonlarga master-klasslar o'tib, bayram ulashdik.

Bugungi kunimizni oxirida o'smirlar terma jamoamiz, Xorazm va Qoraqalpog'iston jamoalari bilan o'yinlar o'tkazdi. O'ylaymanki bu targ'ibot, futbol targ'iboti. Bu sog'lom turmush tarzi targ'ibotini qo'limizdan kelganicha Qoraqalpog'istonda o'tkazdik.

Futbolchilarni bu erga olib kelganimizni sababi futbolchilar yoshlar uchun o'rnak, ularga intilib, sizlar ham shunday futbol o'ynasangizlar, shu darajaga etishishlarini ko'rsatish hisoblanadi. Prezidneitmiz tomonidan yaratib berilayotgan imkoniyatlardan hammamiz unumli foydalanishimiz kerak.

Biz bolalarga hozirgi futbolchilarning misolida ko'rsatishimiz kerakki, qanday qilib mana shunday darajaga etishishi mumkinligini. Tadbirmizni nomi ham har bitta bolaga imkon berish mazmunida o'tkazilyapti. O'ylaymanki imkoniyatdan bolalar to'g'ri foydalanib, murabbiylar to'g'ri xulosa chiqarib, ular bilan ishlash borasida tajriba orttirishsa hozirgi chempionlarning keti uzilmaydi".

Furqat Yusupov yozib oldi