Iordaniya U-23 sardori Hadi Al-Hourani: "O'zbekistondagi atmosfera xuddi Iordaniyadek ekan"

Anjumanda Iordaniya termasi ustozi Ahmad Hayel va jamoa sardori Hadi Al-Hourani qatnashishdi.

Musobaqa haqida

- Bizning jamoa bu musobaqaga puxta tayyorgarlik olib bordi. Iordaniya futbolini yaxshi tomondan ko'rsatmoqchimiz. Biz bu erga kelishimizga qadar Qatar jamoasi bilan ikki o'rtoqlik uchrashuvi o'tkazdik. Bir o'yinda g'alaba qozongan bo'lsak, boshqa birida durang qayd etildi. Bu erdagi barcha jamoalar katta maqsadlarni ko'zlashgan. Biz esa hozirda bor etiborimizni Iroqqa qarshi birinchi o'yinga qaratmoqdamiz. Birinchi o'yindagi g'alaba qeyingi bosqichga chiqish uchun katta turtki bo'lishi mumkin. SHu sabab ham g'alaba uchun bor ishni qilamiz.

- Hadi Al-Houraniga savol. Bu musobaqa siz va sizning jamoangiz uchun o'zingizni ko'rsatishingiz uchun ajoyib imkoniyat. Guruh bosqichidan avvalgi fikrlaringiz?

- Iordaniya termasi futbolchilari musobaqaning final bosqichiga to'liq tayyor. Taktik va boshqa jihatlar bo'yicha ham biz tayyormiz. Hozir biz oldingi musobaqalarga qaraganda ko'proq tajribaga egamiz. O'zbekistondagi atmosfera huddi Iordaniya kabi. Bu esa bizga yaxshi. 

- Janob murabbiy, Iroqqa qarshi birinchi uchrashuvdan oldingi firklaringiz qanday?

- Ushbu o'yinda Iroq bilan imkoniyatlarimiz teng. Biz Iroqning Eronga qarshi o'tkazgan ikki o'yini ko'rdik. O'ylaymanki biz o'yinga tayyormiz.

- Iordaniyaning ushbu musobaqadagi maqsadi qanday va guruhdagi qaysi jamoani o'zingizga eng noqulay raqib deb bilasiz?

- Bu musobaqaga yaxshi tayyorgarlik olib borganmiz. Bundan avval Qatarda o'yinlar o'tkazdik. Mart oyida esa Turkiyada yig'in o'tkazdik. Guruhimizga keladigan bo'lsak, barcha raqiblar kuchli. Guruhdagi hamma terma jamoaning imoniyatlari teng.

- Jamoada yo'qotishlar yo'qmi? Ushbu musobaqaga o'zingiz uchun optimal bo'lgan tarkibni yig'a oldingizmi?

- Barcha futbolchilarimiz yaxshi formada va musobaqaga yaxshi tayyorlangan. Musobaqaga qadar bir necha jarohatlar bor edi, ammo hozir barchasi yaxshi.

- Jamoa sardoriga savol. Musobaqada juda kuchli raqiblarga duch kelasizlar. SHu haqidagi fikringiz...

- Iordaniya har doim kuchli jamoa bo'lgan. Bizda o'zimizga bo'lgan ishonch, tajriba bor. Biz keyingi bosqichga yo'l olishimizga ishonamiz.