Ion Marin: "Lokomotiv" o'z maydonida o'ynaydi, shu bois ustunlikka ega"

Ananaga ko'ra uchrashuvdan bir kun avval ikkala jamoa bosh murabbiylari va bittadan futbolchi ishtirokida matbuot anjumani o'tkazildi.

Matbuot anjumanining birinchi qismida Quvayt SK bosh murabbiyi, ruminiyalik Ion Marin hamda jamoa azosi Jarah Al Atiqi ishtirok etishdi.

"Ertaga yaxshi o'yin bo'ladi. Ikki jamoaning ham yaxshi shakllangan. Ob-havo biz uchun biroz noqulay kelgan bo'lsada, maydonning ahvoli yaxshi holatda ekan. Bu holat bizni quvontirdi. "Lokomotiv" o'z maydonida o'ynayotganligini inobatga olgan holda, ularni biroz kuchliroq deb aytgan bo'lar edim. Joriy mavsum "Lokomotiv" ko'plab xaridlarni amalga oshirdi. Umuman olganda Ulug'bek Baqoevning BAAdagi murabbiyi sifatida, o'zbek futbolchilari yaxshi harakat qilishlarini bilaman", - deydi jamoa bosh murabbiyi Ion Marin.

- “Lokomotiv”ga qarshi tayyorgarlikdan qoniqish hosil qildingizmi?
- SHunday desa ham bo'laveradi. Quvaytdagi tayyorgaligimizdan ko'nglim to'ldi. Natijasini ertaga ko'ramiz.

- Ob-havo haqida gapirib o'tildi, ammo professional futbolchilar bu narsaga tayyor bo'lishi kerak deb o'ylaymiz...
- To'g'ri aytasiz, futbolchilarimiz ob-havoga jiddiy etibor qaratishlari kerak emas. O'yinga kim birinchi bo'lib moslashib ketsa, o'sha jamoa g'alaba qozonadi. Tarkibimizda 4 nafar xorijlik futbolchi bor. Mahalliy o'yinchilarimiz ham ulardan qolishmaydilar. Bugungi kunda mamlakatimizda futbol o'sib borayapti. Buni MTJ qayd etayotgan natijalardan ham bilib olsak bo'lavaeradi.