"Inter" Mxitaryan va Onanani tekinga qo'lga kiritdi

"Tasdiqlashim mumkinki, biz Andre Onana va Genrix Mxitaryan bilan tekinga shartnoma imzoladik, futbolchilar bilan bog'liq ikkala kelishuv amalga oshdi", - deydi Marotta.

Eslatib o'tamiz, 33 yoshli Mxitaryan "Roma" tarkibida 2021/22 yilgi mavsumda barcha musobaqalarda 44 ta o'yinda 5 ta gol urdi va 9 ta golli uzatmani amalga oshirdi.

"Barselona" akademiyasi tarbiyalanuvchisi bo'lgan 26 yoshli Onana esa 2015 yildan buyon "Ayaks"da o'ynab kelayotgandi. U Amsterdam klubi safida barcha musobaqalarda 204 ta o'yin o'tkazgan, shulardan 84 tasida darvozasidan to'p o'tkazib yubormagan.

SHuningdek, u Kamerun terma jamoasi safida 17 ta o'yin o'tkazgan, shulardan 9 tasida o'z darvozasi daxlsizligini saqlab qolgan.