Incheondan yozamiz. 5-kun kundaligi, afsuski Media Markazda biznikilar yo'q
18 sen 2014 09:52
Yangiliklar
Incheondan yozamiz. 5-kun kundaligi, afsuski Media Markazda biznikilar yo'q
17 senyatbr kuni terma jamoamiz soat 10:30da mashg'ulotga ketishi lozim edi. Men esa soat 10:00da sport shaharchasida edim. Toshkent vaqti bilan soat 5:00da mashg'ulotga ketish qiyin ekan. Bugunda terma jamoani bir bo'lagi bo'lganligim o'zimga ham yoqyapti. Ular bilan ishlash qiziq. “Paxtakor”dan bo'shaganimdan keyin, aynan shu narsa menga etishmayotgan edi. Boisi jurnalistikani aynan futbol uchun tanlaganman. “Paxtakor” bilan sal kam 6 yil birga yurdim. Futbolchilar bilan muloqot qilish, qizqarli voqealar juda ko'p bo'lar edi. Geynrix, Ahmedov, Nesterov, ey-xe qancha yulduzlar. Bugun ana shu davrlarni eslayotgandekman. SHu fursatdan foydalanib meni o'z safiga qo'shganligi uchun terma jamoa delegaciyasiga katta rahmat aytaman.
Bizga gidlik qiladigan qiz, yani o'zbekcha ismi Sayyora, huddi Jumavoyning o'zi. Kecha vada bergaimdek, u bilan bo'lgan suhbatimizni quyida tomosha qilishingiz mumkin.
Mashg'ulotlar yakuniga etganidan so'ng media markazga keldim. Mazza qivorasan bunaqa markazda ishlab. Kattagina binoda turli davlatlardan kelgan jurnalistlar o'z davlatlari uchun ishlashyapti. Bazi kompaniyalar mahsus guruh yuborganlar, yani agentliklar. Xitoy, Yaponiya va Tayland bu borada faol. Gonkong ham ulardan ortda qolishni istamayapti. Qatarning mashhur “Al Kass TV” kanalidan ham bir necha nafar hodim. Bugun tunda ustozim Anvar Ilyosov uchib keladilar. Ulardan tashqari TVdan ikkita xodim, operator va muxbir tashrif buyuradilar. Yana O'zbekiston axborot agentligidan ham xodima bor. Biz ham sal ko'payishamiz. Aslida bunday turnirlarni kamida 20 nafar xodim ishlashi kerak. Sportimizga katta sarmoya kiritilayotgan paytda OAVga etiborsiz qarashar ekan, hech qanday targ'ibot va ommaviylik bo'lmaydi. Mirabror Zufarovich esa “Sport TV” bilan jiddiy muzokara o'tkazmasa bo'lmaydi.
- Ish stolim
“Nikon” tashkilotidan ro'yxatdan o'tganligim uchun ijaraga turli xildagi obektivlarni olishim mumkin. Musobaqadan keyin tushimga kirib chiqsa kerak bu kunlar.
Qozog'istondan 16 nafar jurnalist kelibdi. Ularning ko'pchiligi bosma nashrlardan. Biz bilgan Qozog'iston saytlaridan hech kimni uchratganim yo'q. ularning bari turli xildagi nashrlarda faoliyat olib borar ekanlar. Gazetalarni ko'pligidan shunga yarasha raqobat. Bizda esa tayyor saytlardan ko'chirib qo'yish urfga aylandi.
- Qo'shnilarimiz kerakli malumotlarni olishyapti
Bugun terma jamoamiz Bangladeshga qarshi to'p tepishadi. O'yinga tayyorgarlik ko'rishim kerak. bugungi kun kundaligini tabiyyki, ertaga o'qiysiz.
17 sentyabr, Janubiy Koreya, Incheon
Nodirxo'ja Yuldashev?
Fikrlar