Ilyos Qurbonov: "Jamoaga yangi o'yinchilar olinadi"

O'yin haqida

— Birinchi davraning so'nggi va shu sabab yigitlarda charchoq bor. "Nasaf" bilan bahsdan so'ng tiklana olmadik.

Tezkor gollar rejalarimizni buzib yubordi. Tan olish kerak, raqib bugun har jabhada ustun edi. Bizda ham vaziyatlar bo'ldi, ammo oldin aytganimdek, bizga so'nggi nuqtani qo'yadigan hujumchi etishmaydi. Uch metrdan urish kerak bo'lgan vaziyat ham bo'ldi. Ehtimol vaziyatlardan foydalanganimizda hisob boshqacha bo'lishi mumkin edi.

— "Metallurg" "Nasaf"ga qarshi o'yinda mudofaada juda yaxshi o'ynagandi. Bugungi o'yinda himoyada bo'lgan parokandalikning sababi nimada?

— "Surxon" va "Nasaf"ga qarshi bahslarda himoyada o'ynagan holda, qarshi hujumga chiqishni reja qilgandik va bu rejamiz ish berdi. Bugun uch ochkoni mo'ljallangan holda yuqoriroq o'ynashni maqsad qilgandik. Ammo, rejamiz amalga oshmadi. Tiklanish yo'q, charchoq bor va yigitlar koncentraciyani yo'qotishmoqda.

— "Metallurg" o'z tarixida birinchi davrani g'alabasiz yakunlamagan ekan. Murabbiylar shtabi va rahbariyatning mavsumning qolgan qismiga rejalari qanday?

— Ikkinchi davraga variantlar bor, ammo to'liq aniqlab olganimiz yo'q. O'ylashimcha, jamoaga yangi o'yinchilar olinadi. Hozirda barcha etiborimizni so'nggi uchta tur va Kubogi doiraidagi "Surxon" bilan bahsga qaratganmiz. SHundan so'ng nimadir deyishimiz mumkin.