Ilhom Komilov: “O'g'il farzandlik bo'ldim”

Qo'qonliklar bilan shartnomasi yakunlangan himoyachi jamoaning yangi mavsumdagi o'quv-yig'inlarida ko'rinmayapti. Biz Ilhomjon bilan bog'lanib buning boisini so'radik.

“O'tgan mavsumni ikkinchi yarmini Qo'qonda o'tkazib, qo'limdan kelgancha muxlislarni xursand qilishga urindim. Qo'qon jamoasi bilan yil so'ngigacha shartnoma qilgan edim. Hozirgi kunda uydaman. Oilamda quvonchli voqea sodir bo'ldi. Birinchi farzandim dunyoga keldi. Hozir mendan baxtiyor inson yo'q, chunki yaratgan menga o'g'il farzand taqdim qildi. Takliflarga kelsak ayrim jamoalardan takliflar bor. Qaysi jamoalardan ekanligini aytmay tura qolay.  Menga qolsa yana Qo'qonda o'ynamoqchiman. Albatta murabbiylarga harakatlarim maqul kelsa. Jamoa rahbari bilan telefon orqali gaplashdik, yaqin kunlarda “Qo'qon-1912” mashg'ulotlariga qo'shilaman”, - deydi Ilhom Komilov.

Akramjon Mamadaliev.