Ilhom Hamroev: "Biz Osiyoda Eron va Yaponiyadan ortda emasmiz"

Terma jamoamiz yarim finalda Yaponiyaga yutqazib qo'ydi. Xo'sh, Quvaytdagi musobaqadan futzalchilarimiz qanday fikrda? Buni bilish istagida Ilhom Hamroev fikrlariga quloq tutdik.

"Musobaqadan olgan taassurotlarimiz alo. Osiyo Kubogi biz uchun tajriba bo'ldi, deya olaman. Yaponiya bilan o'yinda bizga ozgina omad etishmadi. Biz bu o'yinda g'alaba qozonsak bo'lardi. Qolaversa, xatolarimiz evaziga bizni mag'lub etdi. 

Finalga chiqqan taqdirimizda biz Eronni yutgan bo'lardik. To'g'ri, ular kuchli. Lekin biz ham aslo qolishmaymiz. 

O'zbekiston futzal terma jamoasi Osiyoda uchinchi raqamli emas. Biz undanda yuqori darajadamiz. Bunga tajribamiz va kuchimiz etadi. Bazida omad etishmasligi natijaga pand berishi mumkin. Aslida biz Eron va Yaponiyadan aslo qolishmaymiz. 

Musobaqaga yaxshi tayyorgarlik ko'rilgan ekan. Barcha sharoitlar yaratilib berildi. Bu borada hech qanday muammoni kuzatganimiz yo'q. 

CHetdan bizning futzalchilarimizga takliflar bo'ladi. Bazida moliyaviy tomonlama to'g'ri kelmaydi. Baribir agentlar yo'qligi uchun ham kelishuvlar uzilib qoladi. Aslida variantlar bo'ladi. 

“Jizzax-Kenteks” bilan bu yil yana chempion bo'lishni niyat qilganmiz. CHempionatda kuchli jamoalar soni oshgan. Lekin biz maqsadga erishish uchun oxirigacha kurashamiz", – deya so'zini yakunladi Hamroev.