Ildar Sakaev: “Yigitlar xarakter ko'rsatishdi!”

- Kubok o'yini xuddi bugungidek keskin kurashlarga boy tarzda kechishi odatiy hol. Bugun yigitlar o'z imkoniyatlarini qay darajada ekanligini namoyish qilishdi. Qolaversa, o'z xarakterlarini ham ko'rsata olishdi. 

- O'ylaymanki, xarakterni qolgan bahslarda ham namoyish qila olishadi. Eng asosiysi, futbolchilar yanada o'sishlari mumkinligini isbotlashdi. Va albatta bugun vaziyatlardan foydalanganimiz bizning yutug'imiz bo'ldi.

- “Neftchi” bizni mensimasdimi? Bu haqida hech narsa deya olmayman. Raqibning o'yiniga baho bera olmayman. Anig'i shuki, har qanday jamoa har bir uchrashuvga g'alaba maqsadida tushadi. Jumladan biz ham! 

- Mazkur g'alaba uchun futbolchilarga rahmat deyman! CHunki ular bugun o'zlariga yuklatilgan vazifani to'laqonli bajarishdi - deydi Ildar Usmanovich.