Ikkinchi bosqich yakunlari. Oliy ligaga qaytgan “Qo'qon-1912” haqida
08 noy 2014 15:47
Yangiliklar

Ikkinchi bosqich yakunlari. Oliy ligaga qaytgan “Qo'qon-1912” haqida

Birinchi liganing ikkinchi bosqich yakunlariga bag'ishlangan statistik maqolamizni berishda davom ettiramiz.

10 yillik tanaffusdan so'ng nihoyat yana kuchlilar safiga qaytgan “Qo'qon-1912” tabiiyki bu bilan o'z muxlislarini quvontirdi.

Endilikda mahalliy ishqibozlar jamoadan kelgusi yil ham oliy ligada chiroyli o'yin va qoniqarli natija kutayotgani bor gap.

Rustam Abdullaev boshqaruvidagi jamoa hal qiluvchi ikkinchi bosqich o'yinlarini ijobiy o'tkazid deyish mumkin.

Qo'qonliklar ikkinchi bosqichda eng ko'p g'alaba qozongan jamoa bo'ldi. 16ta o'yinda 14ta g'alaba!

SHuningdek muxlislarning stadionga tashrifi borasida ham “Qo'qon-1912” maqtana oladi.

Ikkinchi bosqichda “Qo'qon-1912”ning qaydlari quyidagicha bo'ldi.

O'yinlar	16
Gollar	46
Uyda	24 (52,17%)
Safarda	22 (47,83%)
O'tkazib yuborilgan gollar	11
Uyda	6 (54,55%)
Safarda	5 (45,45%)
O'rtacha urilgan gollar	2,88
O'rtacha o'tkazib yuborilgan gollar	0,69
Uydagi ochkolar	21/24 (87,5 %)
Safardagi to'plangan ochkolar	21/24 (87,5 %)
Eng yirik g'alaba	5:0 – “SHerdor”
Eng yirik mag'lubiyat	1:2 – “Mashal-2”
Gol o'tkazmagan o'yinlar	7 (43,75%)
Gol ura olmagan o'yinlar	1 (6,25%)
Irodali g'alaba	2
Irodali durang	0
Irodasiz mag'lubiyat	1
Irodasiz durang	0
Yirik g'alaba	8
Yirik mag'lubiyat	0
Avtogol (urilgan/o'tkazib yuborilgan)	0/1
Ogohlantirish (o'rtacha)	24 (1,5)
CHetlatish (o'rtacha) – To'g'ridan-to'g'ri/2SK	2 (0,12) - 0/2
Muxlislar (jami/o'rtacha)	44199/2762

“Qo'qon-1912” ikkinchi bosqichda gol urish borasida ham peshqadamlik qildi. Jamoa 16ta o'yinda jami 46ta to'p kiritdi. Har bir o'yinga o'rtacha 2,875tadan gol demakdir.
SHuningdek qo'qonliklar o'z darvozasidan eng kam to'p o'tkazib yuborgan jamoaga aylandi. 11ta gol!

Davralar oralig'ida tarkibga kelib qo'shilgan Doniyor Usmonov ikkinchi bosqich o'yinlarida jami 16ta golga mualliflik qilib, nafaqat jamoasining balki ikkinchi bosqichning ham to'purariga aylandi. 20 yoshli futbolchi yangi klubida o'zini yo'qotib qo'ymadi. Aksincha jamoasi uchun foydali gollarni urib berdi. SHu tariqa Usmonov qo'qonliklarning yoqimtoyiga aylanib qoldi.

Kim qancha gol urdi?

Futbolchi	Gol	pen.
Doniyor Usmonov	16	(4)
Otabek Haydarov	8
Avazxon Mamatxo'jaev	3
Aziz To'xtaboev	3
Anvar Rahimov	3
Bahodir Akramov	3
Maruf Zokirjonov	3
Rustam Ashurmatov	3
Nodir Qo'ziboev	1
Po'lat Qirg'izov	1
Rahmatillo Meliboev	1
To'lqin Mirzaev	1