Ikkinchi bosqich yakunlari. “NBU-Osiyo” haqida

Liganing doimiy ishtirokchilaridan biri bo'lib kelayotgan “NBU-Osiyo” mavsumni 6-o'rinda yakunladi. “Bankirlar”ni avvaliga Jafar Irismetov boshqarib kelayotgandi. Lekin ayrim sabablarga ko'ra sobiq goleador o'z o'rnini bo'shatib qo'ydi. SHundan so'ng klub rahbariyati boshqaruv postiga Ravshan Bozorovni olib keldi. 46 yoshli mutaxassisga Aleksandr Xvostunov o'ynovchi murabbiy sifatida ham yordam bermoqda. Muxlislarga yaxshi malumki, bu yil toshkentliklar o'z safiga tajribali o'yinchilarni qo'shib oldi.

 Lekin baribir jamoa o'z oldiga kuchlilar safiga chiqishni asosiy vazifa qilib qo'ymayapti. Tarkib borasida ularni bemalol etakchilar safiga qo'shish mumkin. Balki keyinchalik moddiy texnik baza va klub infratuzilmasi yaxshilanib, “NBU-Osiyo” ham elita yo'llanmasi uchun kurash olib borar. Buni vaqt ko'rsatadi.

   
Ikkinchi bosqichda “NBU-Osiyo”ning qaydlari quyidagicha bo'ldi.  

O'yinlar	16
Gollar	32
Uyda	20 (62,5%)
Safarda	12 (37,5%)
O'tkazib yuborilgan gollar	25
Uyda	12 (48%)
Safarda	13 (52%)
O'rtacha urilgan gollar	2
O'rtacha o'tkazib yuborilgan gollar	1,56
Uydagi ochkolar	16/24 (66,67 %)
Safardagi to'plangan ochkolar	9/24 (37,5 %)
Eng yirik g'alaba	5:2 – “G'allakor”
Eng yirik mag'lubiyat	0:3 – “SHo'rtan”, “SHo'rtan”
Gol o'tkazmagan o'yinlar	3 (18,75%)
Gol ura olmagan o'yinlar	4 (25%)
Irodali g'alaba	2
Irodali durang	3
Irodasiz mag'lubiyat	1
Irodasiz durang	0
Yirik g'alaba	4
Yirik mag'lubiyat	2
Avtogol (urilgan/o'tkazib yuborilgan)	2/0
Ogohlantirish (o'rtacha)	32 (2)
CHetlatish (o'rtacha) – To'g'ridan-to'g'ri/2SK	2 (0,12) - 0/2
Muxlislar (jami/o'rtacha)	9614/601

“NBU-Osiyo” hisobiga ikkinchi bosqichda jami 32ta gol yozildi. SHundan 30tasini jamoa azolari urgan. Qolgan ikkitasi esa “Orol” va “Xorazm”ga qarshi o'yinlarda avtogol tarzda kiritilgan.

Nosir Eronov ikkinchi bosqichda jamoa to'purari bo'ldi.  
Kim qancha gol urdi?

Futbolchi	Gol
Nosir Eronov	6
Abdumajid Toirov	4
Leonid Koshelev	4
Aleksandr Lupashko	3
Gay-Etano Yusupov	2
Davron Valijonov	2
Ikrom Ibragimov	2
Murod Rajabov	2
Aleksey Nikolaev	1
Javlon Guseynov	1
Jahongir Soqiev	1
Nikita Sviridov	1
Farruh Nurliboev	1
Allayor Reimov (avtogol)	1
Jamol Masharipov (avtogol)	1

Islombek Rustambekov.