Ikardi “Inter” bilan shartnomasini uzaytirmaydi

Bu haqda TyC Sports xabar bermoqda.

Futbolchining klub bilan kelishuvi 2021 yilga qadar amalda bo'ladi. “Inter” futbolchiga yiliga 7 million evroni tashkil etuvchi yangi shartnomani taklif qilgan, ammo Ikardi yiliga 8 million evro to'lanishini istayapti.  Ilgariroq Ikardiga “Real” qiziqayotganligi haqida xabarlar chiqqandi.

Ikardi 2013 yildan buyon “Inter” sharafini himoya qilib kelmoqda. Joriy mavsumda 25 yoshli forvard jamoasi safida 18 ta uchrashuvda maydonga tushib, 12 ta gol urishga erishdi. 2017/18 yil yakunlariga ko'ra Ikardi Italiya chempionatining eng yaxshi futbolchisi deb topilgan.