Igor SHkvirin: "Yovanovich shunchaki to'pni darvozaga kiritishi kerak edi"

"Bugun maydonda keskin kurash kechdi va uchrashuv qiziqarli o'tdi. Bunday bahslar futbolimiz uchun faqat foydali. SHunday bellashuvlar soni qancha ko'proq bo'lsa, shunchalik yaxshi. Bahsni yomon boshladik va maydon markazda deyarli o'ynamadik.

“Paxtakor” biz kamchilik bo'lib qolgunga qadar ustunlik qildi. Keyin esa yaxshiroq o'ynadik. Biroq ikkinchi bo'limda kuchimiz etmay qoldi. Bo'lim boshida yaxshi vaziyatlarni yuzaga keltirdik, biroq hujumni yakunlash chog'ida to'g'ri o'ynamadik. Omad etishmadi deb o'ylamayman.

Yovanovich gol urmagan holatda unga mahorat etishmadi. SHunchaki to'pni tepishi kerak edi. Agar u to'p kiritganida o'yin umuman boshqacha kechishi mumkin edi", - deydi SHkvirin.