Igor Shkvirin: "Yovanovich shunchaki to'pni darvozaga kiritishi kerak edi"

Narzulla Saydullayev
2 avg 2015, 22:22
"Olmaliq" - "Paxtakor" (1:2) uchrashuvidan keyin tashkil etilgan matbuot anjumanida mezbonlar bosh murabbiyi Igor Shkvirin ishtirok etdi.
"Bugun maydonda keskin kurash kechdi va uchrashuv qiziqarli o'tdi. Bunday bahslar futbolimiz uchun faqat foydali. Shunday bellashuvlar soni qancha ko'proq bo'lsa, shunchalik yaxshi. Bahsni yomon boshladik va maydon markazda deyarli o'ynamadik.

“Paxtakor” biz kamchilik bo'lib qolgunga qadar ustunlik qildi. Keyin esa yaxshiroq o'ynadik. Biroq ikkinchi bo'limda kuchimiz etmay qoldi. Bo'lim boshida yaxshi vaziyatlarni yuzaga keltirdik, biroq hujumni yakunlash chog'ida to'g'ri o'ynamadik. Omad yetishmadi deb o'ylamayman.

Yovanovich gol urmagan holatda unga mahorat yetishmadi. Shunchaki to'pni tepishi kerak edi. Agar u to'p kiritganida o'yin umuman boshqacha kechishi mumkin edi", - deydi Shkvirin.

Narzulla SaydullayevMuallif
Manba: championat.asia