Igor SHkvirin: "Natijadan ko'nglim to'lmadi"

- Dastlab, mamlakat olimpiya terma jamoasi Osiyo chempionati yo'llanmasini qo'lga kiritgani bilan namanganliklarni va olimpiyachilarimiz ustozi Baxtiyor Ashurmatovni tabriklayman. O'yin borasida gap ketganida, qayd etilgan natijadan ko'nglim to'lmaganini aytib o'tishim joiz. Negaki, uchrashuv davomida gol urish borasida raqibga qaraganda ko'proq imkoniyatlarga ega bo'ldik.

- Ayniqsa, ikkinchi bo'limda vaziyatlar ko'p bo'ldi. Agar imkoniyatlardan samarali foydalana olganimizda g'alaba qozongan bo'lardik. SHu o'rinda o'yinni jangovor ruhda o'tganligini aytib o'tishni istardim. Maydonda ko'p kurashlar kuzatildi.

- Garchi bugun mehmonda bir ochkoni qo'lga kiritgan bo'lsak-da, avvaldan uch ochkoni qo'lga kiritamiz deb o'ylagandim. Futbolchilarimizga “Navbahor” azolari "ikkinchi qavat"da yaxshi harakat qilishini takidlab o'tgandim. Xususan, Erkinov, Mamazulunov va zaxiradan safga qo'shilgan Baqoev bosh bilan yaxshi o'ynay olishadi. Aynan shu sababli ham gollar "ikkinchi qavat"dagi kurashlardan keyin urildi. Agarda himoyachilarimiz jiddiyroq qarshilik ko'rsatib, raqib hujumchilariga imkon berishmaganida natija boshqacha bo'lishi mumkin edi.

- Qaysidir manoda omad yoki mahorat etishmadi. Misol uchun birinchi bo'limda Omonov hamda O'runov yaxshigina imkoniyatdan foydalana olishmadi. Ushbu futbolchilarimiz "ikkinchi qavat"da Erkinov kabi harakat qila olmasliklari uchun gol ura olishmagandir. Lekin, ikkinchi tomondan olib qaraganda, Omonov ikkinchi bo'limda darvozabon bilan yakkama-yakka chiqqan vaziyatda boshqacharoq tarzda harakat qilganida natija o'zgacha bo'lishi mumkin edi.