Igita: "Meni Braziliya termasiga chaqirishgan, lekin Qozog'iston uchun taklifni rad etganman"

Unda bo'lajak Jahon chempionati va yakunlangan mavsum haqidagi fikrlari bilan o'rtoqlashgan.

"Bu yil ajoyib mavsum bo'ldi, ayniqsa Qozog'iston terma jamoasi uchun. Afsuski, "Qayrat" bilan UEFA kubogining final to'rtligiga chiqa olmadik. Boshqa tarafdan, biz ichki chempionat va mamlakat kubogini qo'lga kiritdik. SHuningdek, "Eremenko kubogi"da ham g'alaba qozondik.

Jahon chempionati haqida nima deyishim mumkin? O'z kuchimizni ko'rsatishimizga ishonaman. Terma jamoa shunchaki ishtirok etish uchun emas, har bir o'yinda yaxshi o'ynash uchun boradi. Jahon chempionati har doim maning orzuim bo'lib kelgan. Bu musobaqani ko'p bor tomosha qilganman, lekin umuman ishtirok etmaganman. Biz o'zgacha o'yin uslubiga ega bo'lgan kuchli jamoalar bilan o'ynaymiz - bu katta tajriba. Orzuim ro'yobga chiqqanidan hursandman.

Braziliya terma jamoasi? Kim ham Braziliya uchun o'ynashni istamaydi?! Bu mening uzoq yillik orzuim edi, ammo u amalga oshmagan. Hatto biz UEFA kubogini qo'lga kiritganimizda va "Barselona"ni yutganimizda ham, meni terma jamoaga chaqirishmagan. Qozog'iston terma jamoasida o'ynash uchun yakuniy qaror qabul qilganimdan keyingina taklif oldim. Braziliya terma jamoasi meni Quvaytdagi turnirga taklif qilmoqchi bo'lgan, lekin men mahalliylashtirish jarayonini boshlagan edim. Men Qozog'istonga so'z bergan edim va uni qaytara olmasdim. Bu mamlakat menga hamma narsa berdi. Bu jamoa sharafini himoya qilayotganimdan faxrlanaman. Albatta, doim Braziliya terma jamoasiga ham muxlislik qilaman, lekin maydonda to'qnash kelib qolsak, ularni mag'lub etishni istayman. CHunki men professionalman", - deydi Igita.

Eslatib o'tamiz, Igita ortda qolgan mavsumda dunyoning eng kuchli darvozaboni degan nomga sazovor bo'ldi.

Tolibjon Qosimov tarjimasi