Ibrohimhalil Yo'ldoshev: "To'pni egallab olganimdan so'ng faqat darvozaga zarba berishni o'yladim"

Mazkur uchrashuvdan so'ng mehmonlarning uchinchi goliga mualliflik qilgan Ibrohimhalil Yo'ldoshev saytimizga fikrlarini bildirib o'tdi. 

"AGMK jamoasi o'tgan mavsum bejiz Superligada kuchli uchlikdan joy olmagandi. Mazkur bahsga yaxshi tayyorgarlik ko'rgandik, ishtiyoq va xohish kuchli edi. Raqib ham o'z muxlislari qarshisida bizga qarshi munosib o'ynashga harakat qildi. Birinchi bo'limda o'yinni nazorat qildik va gol ham urdik. Bu esa tabiiyki qo'shimcha ustunlik berishi tayin edi. 

AGMK ko'proq qarshi hujumda bizni jazolashga intildi. Ikkinchi bo'limda tashabbus biroz mezbonlar tomoniga o'tdi. Bir nechta golli vaziyatlar yaratishdi. Lekin yakunda biz uch ochkoni qo'lga kiritdik. To'pni egallab olganimdan so'ng faqat darvozaga zarba berishni o'yladim",- deydi Yo'ldoshev.