Ibragimovich "Milan"ga achinayotgani, "Yuventus" hamda "Inter"ning hozirgi mavqeyi haqida gapirdi

38 yoshli hujumchi «Yuventus» safida 2004-06 yillar, «Inter»da 2006-09 yillar, «Milan» tarkibida esa 2010-2012 yillar oralig'ida harakat qilgan.

«Milan»ni bu axvolda ko'rish men uchun juda ham og'ir. Ular kiritilayotgan sarmoyalar va natijalar bo'yicha yuqorida turadigan klub bo'lishi zarur. U erda dunyoning eng yaxshi futbolchilari bo'lishi kerak, lekin hozir unday emas. Mablag' kiritish kerak, yo'qsa ular hech narsaga erisha olishmaydi. Sifatni tekinga olib bo'lmaydi. 

«Yuventus»? Ular buyuk ishlarni qilishmoqda, ajoyib tarkibi sabab ular dunyoda Italiya futbolining timsoli hisoblanishadi. «Inter»da ham barchasi joyida. Boshqa klublar ham bunga harakat qilmoqda ammo ular «Yuventus» darajasida emas. «Inter» ham biroz orqaroqda”, – deya qayd etgan Zlatan.