Ibragimov, G'aniev va Zokirov “Qo'qon-1912” ko'rigida
19 dek 2015 09:30
Yangiliklar
![](https://championat.asia/upload/storage/192393_original.jpg)
![](/upload/storage/192393_220.jpg)
Ibragimov, G'aniev va Zokirov “Qo'qon-1912” ko'rigida
Jamoa bugundan ikki mahal mashg'ulot olib bormoqda. Bosh murabbiy Murod Ismoilovga yordamchilar Vadim SHodimatov bilan Muhsin Nizomiddinov yaqindan ko'maklashmoqda. Joriy mavsum “Qo'qon-1912” sharafini himoya qilgan Ilhom Komilov, Aleksey Nikolaev, Suhrob Qobilov, Hasanboy Ergashev kabi futbolchilar mazkur yig'inga taklif etilmagan. Aftidan ular endi o'ziga yangi jamoa topadi. Huquqiy jihatdan “Lokomotiv”ga tegishli bo'lgan Quvondiq Ro'ziev va Doniyor Usmonov “temiryo'lchilar” ixtiyoriga qaytgan. Yarim himoyachi Sardor Eminov esa “Neftchi”dan tushgan taklifni qabul qilgan. Rossiyalik himoyachi Igor Golbanning yana qo'qonliklarning tarkibiga qaytishi ham hozircha so'roq ostida.
Jamoa tarkibiga yangi kelib qo'shilgan futbolchilardan esa Azizxon Ibragimov, Otabek Zokirov va Izzat G'anievni aytish mumkin. Joriy mavsumni birinchi liga qatnashchisi “Cementchi” safida o'tkazgan Ibragimov farg'onalik bo'lib, 1987 yilda tavvallud topgan. Hujumkor yarim himoyachining o'z vaqtida oliy liganing “Neftchi” va “Metallurg” jamoalarida o'ynaganini eslatish joizdir. Zokirov esa yakunlangan mavsumda Samarqandning “Dinamo” klubi sharafini himoya qilganini ishqibozlar yaxshi bilishsa kerak. G'aniev esa “Qo'qon-1912”ga begona emas. Sababi Izzat bu yilgi chempionatni aynan “shunqorlar” safida boshlab, davralar oralig'ida “So'g'diyona”dan tushgan taklifni qabul qilgandi. Umuman olganda Zokirov bilan G'anievning imkoniyatini bosh murabbiy Murod Ismoilov juda yaxshi biladi. CHunki ilgari bu futbolchilar “Neftchi”da Murod Muzaffarovichning qo'li ostida o'ynagandi.
O’xshash yangiliklar
![AMP Logo](https://championat.asia/image/logo-amp.png)
Fikrlar