Husanov va Fayzullaev qachon O'zbekiston U-23 terma jamoasi ixtiyoriga qo'shiladi?!
26 iyu 15:16
Yangiliklar

Husanov va Fayzullaev qachon O'zbekiston U-23 terma jamoasi ixtiyoriga qo'shiladi?!

Xabaringiz bor, Parij olimpiadasining futbol bahslari shu yilning 24 iyulidan 10 avgustiga qadar bo'lib o'tadi.

Ilgariroq Timur Kapadze boshchiligidagi olimpiyachilarimiz 3 iyul kuni yig'ilishi haqida xabar bergan edik.

O'zbekiston U-23 terma jamoasi 3 iyul kuni yig'inga kirishadi, Franciyaga qachon uchib ketilishi ham malum

Hozircha OTJ legionerlaridan Abduqodir Husanov va Abbosbek Fayzullaevning Olimpiadada ishtirok etishi aniq bo'lgan. Har ikkala futbolchimizning klublari ularni Parij olimpiadasiga qo'yib yuborishlarini malum qilishgan. Unga ko'ra, Husanov va Fayzullaev U-23 terma jamoamiz ixtiyoriga 10 iyulda qo'yib yuboriladi. Ular katta ehtimol bilan terma jamoaga Marselda qo'shilishadi.

Hojimat Erkinov ("Al Vahda"), Umarali Rahmonaliev ("Rubin") va Ibrohimhalil Yo'ldoshev ("Qayrat")larning klublaridan javob xati kutilmoqda.

Eslatib o'tamiz, O'zbekiston olimpiya terma jamoasi "C" guruhida Ispaniya, Misr hamda Dominikan Respublikasi termalariga qarshi o'ynaydi.