Humoyun Murtozaev: “Mavsum yakunida to'prurarlar qatorida bo'lishni istayman”
07 iyu 2020 19:06
Yangiliklar
![](https://championat.asia/upload/storage/572169_original.jpg)
![](/upload/storage/572169_220.jpg)
Humoyun Murtozaev: “Mavsum yakunida to'prurarlar qatorida bo'lishni istayman”
“Qaldirg'ochlar” bugungi bo'lib o'tishi rejalashtirilgan navbatdagi mashg'ulotidan oldin hujumchi Humoyun Murtozaevning fikrlariga quloq tutdik.
“Karantindan so'ng jamoaviy mashg'ulotlar ajoyib va ko'tarinki kayfiyatda davom etmoqda. Jamoadagi har bir futbolchi qattiq mehnat qilyapti, har bir berilgan ko'rsatmani astoydil bajarmoqda. Mavjud yuzaga kelgan holatda mashg'ulotlar sanita va gigiena talablariga rioya qilingan holatda olib borilmoqda. Bularning barchasi bizning foydamiz uchun qilingan. Hammani alohida suv ichadigan idishi bor, iloji boricha masofani saqlagan holda harakat qilyapmiz.
Murabbiylar shtabi bo'lajak o'yinlarga futbolchilarni ruhiy va jismoniy jihatdan tayyorlashmoqda. Umuman olganda jamoaning har bir azosi qattiq ter to'kmoqda deya olaman.
To'g'ri, “Bunyodkor” jamoasidagi barcha bilan tez chiqishib ketdim, ular meni o'z oila azolaridek qabul qilishdi. Mavsum yakunigacha nechta gol ura olaman? Nechta bo'lishi ahamiyatsiz, to'purarlar qatorida bo'lish va jamoaga foyda keltirish asosiy maqsadim hisoblanadi”,- deydi Humoyun Murtozaev.
Futbolchi joriy mavsumda “Bunyodkor” safida umumiy hisobda 5ta uchrashuvda maydonga tushdi va 3 bor o'z nomiga gol yozdirib qo'yishga erishdi. Dastlab, OCHL saralash bosqichida “Al Zavra” darvozasiga 2ta to'p kiritgan bo'lsa, Superliga 1-turida safarda “Surxon”ga bitta gol urdi.
Abdulaziz Iskandarov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar