Hokim vadasini bajarib avtomobil sovg'a qildi va Andijon polkasiga raqsga tushdi

Vodiyda "Andijon" jamoasi Qarshining "Nasaf" klubini qabul qildi. Ushbu uchrashuv joriy mavsum "Sog'lom Avlod" stadionidagi ilk bahs bo'ldi va ochilish o'yini viloyat uchun o'zgacha bayramga aylandi. Kecha viloyat hokimi Andijonda tushdan keyin hammaga dam elon qilgani haqida xabar bergan edik. Bundan tashqari, hokim kechagi o'yindan bir kun oldin futbolchilar bilan uchrashgan va ularga "Nasaf"ga qarshi o'yin uchun pul mukofotlari, bundan tashqari jamoa g'alaba qozongan taqdirda yarim himoyachi Farhod Bekmurodovga "Lasetti" (Gentra) avtomobili sovg'a qilishini vada bergan edi.

Agar ertaga "Nasaf" mag'lub etilsa, "Andijon" futbolchisiga "Jentra" avtomobili sovg'a qilinadi

Superliga. "Andijon" o'z maydonidagi ilk uchrashuvda "Nasaf"ni mag'lub etdi 

"Nasaf" ustidan 3:1 hisobidagi g'alaba qo'lga kiritilganidan keyin stadionning o'zida shaxsan viloyat hokimi SHuhratbek Abdurahmonovning o'zi futbolchilarning har biriga 10 million so'mdan pul mukofoti tarqatib chiqdi.

O'yin tugashi arafasida oldindan olib kelib qo'yilgan "Lasetti" (Gentra) avtomobili "Sog'lom Avlod" stadioniga kirib keldi.

Avtomobilni vada qilinganidek Andijon viloyat hokimi SHuhratbek Abdurahmonovning o'zi Farhod Bekmurodovga sovg'a qildi.

O'yinchilar taqdirlab bo'linganidan so'ng "Andijon" azolari hokim bilan birga muxlislar oldiga borib g'alabani nishonlashdi. "Islandcha xuk" nishonlashda hokimning o'zi ham ishtirok etdi.

Andijon xalqi mavsumdagi birinchi g'alaba bilan muborakbod etildi.

KEyin esa SHuhratbek Abdurahmonovning o'zi ham futbolchilar bilan birga "Andijon polkasi"ga raqsga tushdi.

Bir so'z bilan aytganda, kechagi kun Andijon xalqi uchun chinakam bayramga aylanib ketdi. Stadiondagi muxit esa maksimal darajada alo bo'ldi.

Tolibjon Qosimov, Andijondan maxsus

P.S. "Andijon" - "Nasaf" uchrashuvidan suratlarni sal turib tomosha qilishingiz mumkin bo'ladi.