“Hokim Kubogi”: “Neftchi”dan yirik g'alaba

1 fevral kuni Sergey Kovshov bosh murabbiyligidagi “Neftchi” jamoasi o'zining 3-bahsini o'tkazdi. Bu safar Quvasoyning “Cementchi” jamoasi farg'onaliklar bilan raqobatga kirishdi. Bahsda “Neftchi” jamoasi yirik hisobda g'alabaga erishdi. O'yinda 5:1 natijasi kuzatildi.  “Neftchi” safidan Zohir Qo'ziboev, Anvar Berdiev, Abdulaziz Yusupov, Temur Usmonov hamda Amirjon Safarov gol kiritgan bo'lsa, “Cementchi”dan Rustam Solijonov bir marta mazkur to'plarga javob qaytardi.

Aytish kerakki, “Cementchi” jamoasi bahsda garchi ko'p gol o'tkazib yuborgan bo'lsada, o'zida yaxshi taassurot qoldirdi. Jamoa tarkibini asosan Farg'ona futbolining yosh tarbiyalanuvchilari tashkil etganini malum qilib o'tish o'rinlidir.

Super liga bahslariga tayyorgarlik ko'rayotgan “Neftchi” jamoasi uchun “Hokim Kubogi” turniri katta ahamiyat kasb etmoqda. Turnir sabab murabbiylar shtabi ko'rikda bo'lib turgan yangi futbolchilarni sinovdan o'tkazmoqda va jamoa o'yinini shakllantirishga urg'u berilyapti.

 
“Neftchi” – “Cementchi” 5:1

Gollar: Zohir Qo'ziboev -1:0, Anvar Berdiev – 2:0, Abdulaziz Yusupov – 3:0, Temur Usmonov – 4:0, Amirjon Safarov – 5:0, Rustam Solijonov – 5:1

“Neftchi:” 1. Akmal Ortiqov, 3.SHukurali Po'latov, 35.Davron Mamatov, 94.Jamshid Qobulov, 20.Alisher Samatov, 88.Abbos Maxstaliev, 17.Sunnatilla Ermatov , 23.Abdulaziz Yusupov, 21.Eler Mamasoliev, 82.Zohir Qo'ziboev, 10.Anvar Berdiev
Zaxira: 35.Farrux Turdaliev, 19.Javoxir Rasulov, 24.Otabek Axmadjonov, 33.Ilxom Yunusov, 9.Timur Usmonov, 87.Amirbek Safarov, 34.Davron Isokov, 44.Jasur Azimov, 77. Javohir Mo'sajonov

“Cementchi”: 80.SHuhrat Rahmonov, 2.Mirjamol Nematov, 29.Asil G'oibjonov, 22.Husanboy G'aniev, 6.Islom Toshpo'latov, 13.Abror Ismoilov, 9.Abduqodir Artikov, 7.Islombek Karimov, 10.Xurshid Asqaraliev, 19.Elamon Karimov, 14.Abdujalil Manazarov
Zaxira: 1. Qodir Muhammadjonov, 5.Rahim Mamatkarimov, 8.Aziz Fosilov, 15.Rahmatillo Xolmirzaev, 18. Abdulfayoz Jakbarov, 27.Rustam Solijonov, 4.Jamshid To'raqulov

Eslatib o'tamiz, “Neftchi” jamoasi 3 fevral kuni “O'sh”ga qarshi o'ynaydi. O'yin Qirgulidagi “Neftchi” SK stadionida soat  15:00da boshlanadi