Harri Keyn rekord urishda davom etmoqda. “Real” esa tarixni o'zgartirish ishlari bilan band
14 jan 2018 11:22
Yangiliklar

Harri Keyn rekord urishda davom etmoqda. “Real” esa tarixni o'zgartirish ishlari bilan band

Angliya va Ispaniya chempionatlarida navbatdagi tur o'yinlari boshlandi. Kecha raqamlar bilan bog'liq ikkita xodisa kuzatildi. Biri Harri Keynga, ikkinchisi uni o'z safida ko'rishga qarshi bo'lmaydigan “Real”ga tegishli.

Harri Keyn

2017 yil davomida bir qator rekordlarni yangilashga ulgurgan Harri Keynni endi hamma taniydi. Kecha u “Tottenhem” uchun APLda eng ko'p gol urgan futbolchiga aylanib oldi. Ustozi Maurisio Pochettinoning ishonch bilan aytishicha, bu ketishda Keyn barcha rekordlarni o'zi yangilaydi.

Angliya Premyer-Ligasida “shporlar” uchun eng ko'p gol urgan futbolchi Teddi SHeringem hisoblanardi. “Yunayted” muxlislari uchun yaxshi tanish bo'lgan hujumchi londonliklarning APLdagi o'yinlarida 97 ta gol urgandi.

Keyn esa “Everton”ga qarshi bellashuvda dubl qayd etib. Eng yaxshi ko'rsatkich taxtachasidan SHeringem nomini o'chirdi. U o'zining birinchi aniq zarbast bilan Teddiga etib oldi, ikkinchi golidan keyin esa yaqin tarixdagi futbolchidan o'zib ketdi.

“Real Madrid”

Zinedin Zidan boshchilik qilayotgan Madridning “Real” klubi tarixida ham o'zgarish yuz berdi. SHu vaqtga qadar “Qirollik klubi” o'z maydonida “Vilyarreal”ga imkoniyatni boy bermagandi. “Sariq suvosti kemasi” 2018 yilning 13 yanvariga kelib, bu ishning uddasidan chiqa oldi.

“Real” ikkinchi davradan boshlab o'z o'yinlarini balki yaxshilab olar. Biroq “Vilyarreal” tarixiga “Santyago Bernabeu”dagi birinchi g'alaba yozilgani madridliklarga muxlislik qiluvchilarga tabiiyki yoqmadi. Nailoj? Ular dahshatli mavsumni kuzatishda davom etadi.