Hamyurtlarimiz Timur Segizbaevning yubileyida qatnashishdi

"Si Sin Xay" stadionida Segizbaevning 75 yoshiga bag'ishlab faxriylar o'rtasida mini futbol musobaqasi tashkil etildi. Ushbu tadbirda o'zbekistonlik sobiq futbolchilar Birodar Abduraimov, To'lagan Isoqov va SHamil Yafarov ishtirok etib qaytishdi. 

Birodar Abduraimov:

– Timur Sanjarovich bilan Tbilisidagi Sobiq Ittifoq spartakiadasida tanishganmiz. O'shandan buyon do'stmiz. Bunga qadar Toshkent va Olma-Otada bir necha bor to'qnash kelganmiz. Futbolda raqib, hayotda esa do'stmiz. Unga sog'liq va uzoq umr tilayman.

To'lagan Isoqov: 

– Men juda baxtli insonman. Sababi uch avlodni ko'rishga muvaffaq bo'lganman. Birinchisi Birodar Abduraimov, Timur Segizbaev avlodi. Undan keyingi avlod Docenko, Bektashov. Oxirgi avlod bu "Paxtakor-79" bo'lgan. Timur Segizbaev nafaqat Qozog'iston balki O'zbekiston futbolining ham faxri hisoblanadi. Sababi futboldan keyin Qozog'istonda beshbarmoq, Toshkentda osh er edik. Unga sog'liq tilayman.

Malumot uchun

Timur Segizbaev Qozog'iston futbolinig tirik afsonalaridan biri. U faoliyatini "Qayrat"da boshlab, o'sha erda tugatgan. Yarim himoyachi ko'p marotaba Toshkentning "Paxtakor" jamoasiga qarshi maydonga chiqqan. Uning hisobida 212ta uchrashuv bo'lib, olmaotaliklar safida 19 marotaba raqiblar darvozasini ishg'ol qilgan. 

1973-79 yillar oralig'ida jamoa bosh murabbiyi sifatida faoliyat olib bordi.

Foto: Eduard Gavrish