Hammasi "Yilning eng yaxshilarini taqdirlash" marosimi haqida

Ushbu tadbir Toshkent vaqti bilan 20:00da boshlanadi. Tadbir Ummon ko'rgazmalar markazida tashkil etiladi. Bunda bir qator nufuzli futbol kishilari ishtirok etishi kutilmoqda. Jumladan, OFK prezidenti SHayx Salmon bin Ibrohim Al Xalifa, sobiq OFK boshqaruv raisi Jang Jilong va boshqalar.

Tadbir davomida livanlik mashhur xonanda Maya Diab o'z qo'shiqlari bilan zalga yig'ilganlarni xushnud qiladi. Marosimda FOX Sports Network vakillari Jon Deyks va Natalie Mamo boshlovchilik qiladi.

Albatta, tadbirning asosiy qismida quyidagi yo'nalishlar bo'yicha eng yaxshilar aniqlanadi:

- "Osiyo olmosi" sohibi

- Yilning eng yaxshi tashkiloti

- Futbol rivojiga qo'shayotgan hissasi uchun OFK prezidenti mukofoti

- Yilning eng yaxshi murabbiyi (ayollar)

- Yilning eng yaxshi murabbiyi (erkaklar)

- Yilning eng yaxshi futzalchisi

- Yilning eng yaxshi erkak futbolchisi

- Yilning eng yaxshi ayol futbolchisi