Hamidjon Aktamov: "Gol urmasdan g'alaba qozonib bo'lmaydi"
30 may 2016 15:55
Yangiliklar
![](https://championat.asia/upload/storage/209687_original.jpg)
![](/upload/storage/209687_220.jpg)
Hamidjon Aktamov: "Gol urmasdan g'alaba qozonib bo'lmaydi"
- Bugungi o'yinda faqat g'alabani ko'zlab maydonga tushgandik, - deya so'z boshladi Hamidjon G'ulomovich. - Afsuski, buni uddalay olmadik. Raqib tezkor gol kiritib, rejalarimizni buzib yubordi. Hisobdagi muvozanatni tiklaguncha katta kuch sarfladik. Muxlislarga katta rahmat aytaman. Ularning uyushqoqligi va daldasi evaziga hisobni tenglashtirdik.
"Metallurg" jamoasining bir necha o'yinlari tushirilgan videoyozuvlarni ko'rib, shunga mos taktika asosida maydonga chiqqandik. Afsuski, yigitlar bugun ko'rsatmalarimizni to'liq bajara olishmadi. Keyingi o'yinlarda hujumchilarimiz gol urishda oqsashmoqda. Axir gol urmasdan g'alaba qozonib bo'lmaydi.
Keyingi turda yanada jiddiyroq raqib bilan o'ynaymiz. Aslida chempionatda oson o'yinning o'zi yo'q. Jamoamizda muhit alo darajada, birorta muammo ko'zga tashlanmayapti. SHunga qaramay, bugun qimmatli ochkolarni qo'ldan chiqardik. Xato va kamchiliklar ustida ishlashda davom etamiz.
"Qizilqum" PFK Matbuot xizmati.
O’xshash yangiliklar
![AMP Logo](https://championat.asia/image/logo-amp.png)
Fikrlar