Hamidjon Aktamov: "Erkinga etiroz yo'q, u vadasini ustidan chiqdi"

- Bugun har ikkala jamoa juda issiq havoda o'ynadi va bu tabiiyki barchaga qiyinchilik tug'dirdi. O'yin borasida gapiradigan bo'lsam, tajriba o'z so'zini aytdi. Futbolchilarimizning qo'pol xatolari evaziga durang natijasini oxirigacha ushlab turolmadik. Bugun faqat asosiy tarkibda o'yinni boshlagan futbolchilarning harakatlaridan qoniqdim. Zaxiradan maydonga tushirgan futbolchilar esa kutilgan o'yinni ko'rsatib bera olishmadi. Xatolarimiz ustida ishlaymiz.

Toshkentga 5-6 kun avval kelib, ushbu o'yinga jiddiy tayyorgarlik ko'rgandik. Bugun "Bunyodkor"ga yutqazib berish uchun emas, ochko olib ketish maqsadida maydonga tushgandik. "Qizilqum" Toshkentga g'alaba uchun tashrif buyurgandi. Bu endi futbol. Uchrashuvning so'nggi 10 daqiqasida yo'l qo'ygan xatolarimiz tufayli endi ortga quruq qo'l bilan qaytishimizga to'g'ri keladi. Darvozabonga bugun umuman etirozim yo'q. Erkin menga bergan vadasini ustidan chiqdi. Jamoa oldida o'zini yaxshi taraflama ko'rsatdi va bir necha vaziyatlarda gollardan saqlab qoldi. Himoyachilarimizning xatolari evaziga yutqazdik. Darvozabon bugun o'z ishini uddaladi.