Hamid Aktamov: "Har ikkala jamoa bir-biridan yomon o'ynadi"

- O'tkazib yuborilgan gollarni himoyadagi xatolarimiz evaziga yo'qdan joydan olib keldik. Jamoamizning himoya chizig'i pand bermoqda. Bu borada selekciya ishlari davom etmoqda. Hamza Karimov hali jarohatidan to'liq forig' bo'lgani yo'q. Alisher Yusupov ham jarohati tufayli bugungi o'yinni o'tkazib yubordi. Toshkentdan hech bo'lmaganida bir ochko bilan ortga qaytishni istagandik. Bugun raqib bizga o'ynashga imkoniyat berdi. Har ikkala jamoa ham ushbu bellashuvda yaxshi, sifatli futbol namoyish etib berolmadi. Jamoalar bir-biridan yomon o'ynadi.

Jamoamizga yangi kelib qo'shilgan futbolchilar endi astalik bilan yangi muhitga kirishib ketishmoqda. Dastlabki rasmiy bahs bo'lgani uchun kamchiliklar bo'ldi. Tez orada yangi futbolchilar jamoamizga moslashib ketishadi, degan umiddamiz.

Erkin Boydullaevni sardor qilib tayinlaganimiz bu barchaning tanlovi. Boydullaev erishgan yutuqlar, qo'lga kiritgan muvaffaqiyatlari juda katta. SHu boisdan Erkin Boydullaev jamoa sardori sifatida o'ynashga haqli, sardorlik bog'ichi bilan o'ynashga arziydigan futbolchi, deb bilaman.

Jasur Hasanov rasman jamoamiz safiga o'tdi. Transfer masalarini hal etdik. Hasanov tibbiy ko'rikdan ham muvaffaqiyatli o'tdi. Keyingi uchrashuvdan boshlab jamoamizga yordam berishi mumkin. Hasanov ikkinchi davra o'yinida ham "Loko"ga qarshi harakat qilmaydi. Bu shartnomada ko'rsatilgan. Etiroz? Kimgadir alohida emas, butun jamoaga etiroz bildirishim mumkin. Himoyadagi oddiy xatolar evaziga mag'lub bo'ldik.