Hakim Fuzaylov: "Oxirgi tur o'yinlarida yigitlar yomon harakat qilishmayapti"

O'yin haqida

- Qiyin o'yin bo'lishini bilardik. Tayyorgarlik ko'rdik, birinchi bo'limda ham, ikkinchi bo'limda ham vaziyatlarimiz bo'ldi. Bilasizmi, bu kabi o'yinlarda ko'p gol bo'lishi ham mumkin, yoki umuman hisob ochilmasligi ham. Harakat qildik, biroq gol ura olmadik. Teng darajadagi uchrashuv bo'ldi deb o'ylayman.

- Jamoangiz durang natija qayd etdi. Xorazmlik muxlislar jamoadan ko'prog'ini kutishayotgani aniq. Vaziyatni qanday baholaysiz?

- Oxirgi tur o'yinlarida jamoamiz yomon harakat qilayotgani yo'q, buni barcha ko'rib turibdi. Biz natijalarni yaxshilashga intilayapmiz. Oldimizda xato va kamchiliklarni tahlil qilib olishga fursat bor.

- "Aral" jamoasi haqida fikringiz?

- "Aral" yaxshi jamoa, tarkibida yosh iqtidorlar ko'p. Yana bu jamoada tajribali futbolchilar ham bor, masalan jamoa sardori Obid Jo'raboevni yaxshi taniyman. Keyin Azam Alievni ham alohida aytib o'tsa bo'ladi.