Ҳаким Фузайлов: "Охирги тур ўйинларида йигитлар ёмон ҳаракат қилишмаяпти"

Ўйин ҳақида

- Қийин ўйин бўлишини билардик. Тайёргарлик кўрдик, биринчи бўлимда ҳам, иккинчи бўлимда ҳам вазиятларимиз бўлди. Биласизми, бу каби ўйинларда кўп гол бўлиши ҳам мумкин, ёки умуман ҳисоб очилмаслиги ҳам. Ҳаракат қилдик, бироқ гол ура олмадик. Тенг даражадаги учрашув бўлди деб ўйлайман.

- Жамоангиз дуранг натижа қайд этди. Хоразмлик мухлислар жамоадан кўпроғини кутишаётгани аниқ. Вазиятни қандай баҳолайсиз?

- Охирги тур ўйинларида жамоамиз ёмон ҳаракат қилаётгани йўқ, буни барча кўриб турибди. Биз натижаларни яхшилашга интилаяпмиз. Олдимизда хато ва камчиликларни таҳлил қилиб олишга фурсат бор.

- "Арал" жамоаси ҳақида фикрингиз?

- "Арал" яхши жамоа, таркибида ёш иқтидорлар кўп. Яна бу жамоада тажрибали футболчилар ҳам бор, масалан жамоа сардори Обид Жўрабоевни яхши танийман. Кейин Аъзам Алиевни ҳам алоҳида айтиб ўтса бўлади.