Hafta yulduzlari
25 mar 2014 07:00
Yangiliklar


Hafta yulduzlari
Demak o'tgan haftada yaxshi o'yin ko'rsatib, muxlislar olqishi va etiboriga sazovor bo'lgan futbolchilardan ramziy terma jamoa tuzib chiqdik.
Darvozada "Sampdoriya" posboni Da Koshtani qo'yishni maqul deb topdik. Ushbu darvozabon agarda "Verona" bilan o'yinda o'z kuchini ko'rsata olmaganida, "Sampdoriya" bu qadar katta ustunlik evaziga raqibini mag'lub eta olmasdi. da Koshta bu o'yinda ettita "seyv"ni amalga oshirdi. Tassano, da Koshta!
Endi himoya chizig'idagilarni tanlab olamiz. "Xall Siti" himoyachisi Liam Rosenor "Vest Bromvich" bilan bo'lgan uchrashuvni juda yaxshi o'tkazdi. Gol kiritishi bilan birga a himoyada ham ishonchli harakat qildi. Bu esa jamoasinining o'yinda ijobiy natijani qayd etishiga sababchi bo'ldi.
Romeyn Danze "Renn" himoyachisi ham ushbu tarkibdan o'rin oldi. Ushbu himoyachi raqib hujumini zararsizlantirishda juda faol bo'ldi.
Martin Demichelis ham "Hafta yulduzlari" qatorida bo'lishga arzirli o'yin ko'rsatdi. "Manchester Siti" himoyachisi Demichelis birinchi bor "shaharlik"lar tarkibida gol kiritishga muvofaq bo'ldi va jamoasi g'alabasiga munosib o'lush qo'shdi.
"Liverpul" azosi Martin SHkrtel ham o'zining ishonchli harakati va gol urish qobiliyati evaziga bu safargi "Hafta yulduzlari" tarkibidan joy oldi. Martin SHkrtel bu o'yinda ikkita gol kiritib, "Liverpul" g'alabasiga zamin yaratdi.
"Tottenxem" futbolchisi Kristian Eriksen yarim himoya chizig'ida harakatlanadi. Ushbu futbolchi o'tgan haftada juda sifatli va chiroyli futbol ko'rsatdi. Gollandiyalik futbolchi jamoasini qiyin holatdan olib chiqib keta oldi. Avvaliga muhim golni kiritgan bo'lsa, keyinchalik g'alaba goliga sababchi bo'ldi.
Jordon Match jamoasi garchi "Liverpul"dan yirik hisobda mag'lub bo'lgan bo'lsada, Match bu o'yinda juda ajoyib harakat qildi. "Liverpul" darvozasiga ikkita gol va bir bor golli uzatmani qayd etdi.
Yaya Ture "Manchester Siti" safida o'tgan haftada eng yaxshi futbolchi bo'ldi. "Fulxem"ga qarshi kechgan o'yinda ture xet-trikni qayd etdi.
"Bavariya" etakchisi Bastian SHvaynshtayger bu safargi "Hafta yulduzlari" qatoridan ham joy oldi. "Bavariya" "Maync"ga qarshi kechgan bahsda 82-daqiqagacha raqib darvozasini ishg'ol eta olmayotgan edi. O'yin tugashiga sanoqli daqiqalar qolganida Bastian raqib jarima maydonchasida paydo bo'ldi jamoasi uchun muhim bo'lgan golga mualliflik qildi.
Endi navbat hujum chizig'iga. Kim ham bo'lar edi? Albatta Suarezda. O'tgan haftada Luis Suarez "Liverpul"ni qiyin holatdan chiqarib oldi. Bu futbolchi doimgidek benazir o'yinlari bilan boshqalardan yaqqol ajralib turdi.
Luis Suarezga tandem sifatida Lionel Messini tanladik. Bu ftbolchi "Real" darvozasiga oz emas, ko'p emas naqd uchta gol kiritishni uddasidan chiqdi. Lopez qo'riqlagan darvoza tomon uch marta to'p tepgan Messi ikkalasidan ham unumli foydalana oldi. Bu futbolchi haqli ravishda "Hafta yulduzlari" safidan o'rin oldi.
SHahboz Beg'amov

Fikrlar