Gvardiola Fillips nima uchun "Manchester Siti"da qolganini tushuntirdi

"Manchester Siti" bosh murabbiyi Pep Gvardiola yarim himoyachi Kelvin Fillips nima uchun kam o'ynaganiga qaramay, jamoada qolganini tushuntirib berdi.

"Biz uning jamoadagi kelajagini muhokama qilganimizdan keyin, shuningdek, ijara variantlarini ko'rib chiqqanimizdan so'ng Fillips qolishga qaror qildi. Hamma narsani to'g'ri qabul qilib, jamoada qolgani qadrlanadi. U har doim maydonga tushishga tayyor turishi kerak – Kelvin biz uchun muhim", – dedi mutaxassis.

Fillips 2022 yilning yozida 49 million evro evaziga "Lids"dan "Manchester Siti"ga o'tgan edi. O'tgan mavsumda 27 yoshli yarim himoyachi APLning 12 ta uchrashuvida qatnashib, har bir uchrashuvda o'rtacha 24 daqiqani maydonda o'tkazgan.