Gvardiola De Bryuynening xayrlashuv o'yini haqida: "Kevin sotib olib bo'lmaydigan cheksiz muhabbatga erishdi"
22 may 2025 12:15
Yangiliklar

Gvardiola De Bryuynening xayrlashuv o'yini haqida: "Kevin sotib olib bo'lmaydigan cheksiz muhabbatga erishdi"

"Manchester Siti" bosh murabbiyi Xosep Gvardiola yarim himoyachi Kevin De Bryuynening APL 37-turidan o'rin olgan "Bornmut"ga qarshi (3:1) uy uchrashuvi haqida fikr bildirdi.

Uchrashuv belgiyalik futbolchining "Etixad"dagi o'ziga xos lahzasi bo'ldi.

"Sotib olib bo'lmaydigan narsalar bor. Kevin yillar davomida klub uchun qilgan ishlari tufayli cheksiz muhabbatga erishdi. Bu uning kuni edi va biz u uchun g'alaba qozonishni istadik. Atigi bir necha kun oldin u Angliya Kubogi finalida 100 daqiqa o'ynagandi – bu oson emas. Afsuski, u ajoyib imkoniyatdan foydalana olmadi, aks holda juda go'zal bo'lardi", – dedi Gvardiola.

33 yoshli yarim himoyachi 2015 yildan buyon "Manchester Siti"da to'p tepadi. 9 yil ichida u "shaharliklar" bilan 6 marta APLda g'olib chiqdi, 2 marta Angliya kubogi, 5 marta Angliya Liga Kubogida zafar quchdi, 3 bor Superkubokni qo'lga kiritdi, shuningdek, Chempionlar Ligasi, UEFA Superkubogi va FIFA klublar o'rtasidagi JCHda tengsiz deb topildi.

Final hushtagi yangragach, Kevin "Etixad" tribunalari bilan xayrlashib, butun stadion olqishiga sazovor bo'ldi.

Havola :

Manba : Sky Sports

Yangiliklarni Telegramda o'qing!

Reyting: +5