G'ulom Raxmonov: "SHo'rtan" kurashishga tayyor"

Ushbu o'yin oldidan mezbonlar vakili G'ulom Rahmonovning o'yin haqidagi fikrlari bilan qiziqdik.

- Jamoamiz so'ngi turlarda o'z o'yin uslubini topib va o'sha o'yiniga xos natijalarni qo'lga kiritishga erishayapti. Jamoamizning "Paxtakor"ga qarshi uchrashuvi oson kechmasligi aniq. Ammo jamoamiz har qanday raqibga qarshi ishonchli o'ynab kurashishga tayyor deb hisoblayman.

- "Paxtakor"ni qanot chiziqlari kuchli deb o'ylayman. SHu sababli etiborimizni ham raqibning qanot chizig'ida sodir eta oladigan xavflarni bartaraf etishga qaratamiz deb o'ylayman.

- O'yindan oldin bashorat qila olmayman. Kuch, ishonch va birdamlikda harakat qilgan jamoaga omad ham ko'proq kuladi deb o'ylayman va jamoamga shu omadni tilab qolaman.

"SHo'rtan" matbuot xizmati