Grilish Angliya Kubogi doirasida "Luton Taun"ga qarshi o'yinda jarohat oldi

Futbolchi 38-daqiqada maydonni tark etdi va uning o'rniga Jeremi Doku tushgan.

"Manchester Siti" ustozi Pep Gvardiola xavbekning holati haqida gapirdi:

"Hali shifokorimiz bilan gaplashib ulgurmadim, ammo Jek chovidan shikoyat qilayotgandi. U o'zini juda yaxshi his qilayotgandi, biroq o'yin startida yana jarohat oldi.

Albatta, u juda xafa. Mavsum Jek uchun og'ir o'tmoqda, shuning uchun u endi to'liq sog'ayib qaytishi va keyin jamoaga yordam berishi zarur bo'ladi".