Gollandiya - Kosta-Rika 0:0 (pen: 4:3). MATNLI TRANSLYACIYA

GOLLANDIYA - KOSTA-RIKA 0:0 (pen. 4:3)
6 iyul. 01:00

Bosh hakam: Ravshan Ermatov (O'zbekiston)

Qanot hakamlari: Abdulhamidillo Rasulov (O'zbekiston), Bahodir Qo'chqorov (Qirg'iziston)

Zaxira hakami: Noumandiez Due (Kot D'Ivuar)

Gollandiya: Silessen (Tim Krul, 120), Vlaar, De Vrey, Martins Indi (Xuntelaar, 106), Blind, van Persi, Sneyder, Robben, Kuyt, Veynaldum, Depay (Lens, 76).

Kosta-Rika: Navas, Akosta, Gonzalez, Umana, Borges, Bolanos, Kempbell (Urena, 66), Ruiz, Diaz, Gamboa (Mayri, 78), Texeda (Kubero, 97).

Ogohlantirish: Diaz (37), Umana (52), Indi (64), Gonzalez (82), Akosta (108), Xuntelaar (111). 

                               MATNLI TRANSLYACIYA
                                          YANGILASH


GOLLANDIYA YARIM FINALDA!!!!

9. To'p oldida Umana! Zarba va TIM KRULLLL!!!!!!!!!!!

8. To'p oldida Kuyt! Zarba va GOLLLL! 4:3!

7. To'p oldida Bolanos! Zarba va GOOLLL! 3:3!

6. To'p oldida Sneyder! Zarba va GOOLLLLL! 3:2!

5. To'p oldida Gonzalez! Zarba va GOOOOLLL! 2:2!

4. To'p oldida Robben! Zarba va GOLLLL! 2:1!

3. To'p oldida Brayn Ruiz! Zarba va TIM KRUL!!!! 1:1!

2. To'p oldida van Persi! Zarba va GOLLLL! 1:1

1. To'p oldida Borges! Zarba va GOLLLL! 0:1!

Kosta-Rika boshlab beradi.

Demak penaltilar seriyasi boshlanmoqda...

Omad kimga kulib boqadi?

CHarchamadingizmi? Bir mazza qilib penaltilar seriyasi ko'raylik endi... Ha, bu juda hayajonli kechadi... Alamli ko'z yoshlar va quvonch ko'z yoshlari bizni kutmoqda...

Uchrashuv yakunlandi! Navbat penaltilar seriyasiga!

UH! Lui Van Gaalning yurishi! Gollandiya darvozaboni Silessen o'rniga ikkinchi posbon Tim Krul tushirildi. Penaltilar seriyasi uchun tushirilgan kiper!

Penaltilar seriyasiga tayyorgarlik ko'ryapsizlarmi????


119` Darvoza ustuni Kosta-Rika foydasi uchun ishlamoqda..... Robben.... To'p himoyachilarga tegmoqda.... Hujumlar... Zarbalar...

118` FANTASTIKA!!!!!!!!!!!!!!

117` Brayn Ruiz!!!!!!!!!!! Silessen!!!!!!!!!!!!!!!!!!!!!!!!!!

116` Kosta-Rika hujumga o'tdi! Ha, ha ular hujum qilishmoqda! Burchak to'pi...

114` Robin van Persi offsaydda.

112` Xuntelaar Navasga qarshi qo'pol o'ynagani uchun sariq kartochka ishlab oldi.

111` Robin van Persi jamoa sardori, lekin Robben jamoa yuragi ekan!

110` Futbolchilar charchashdi. Lekin Robben haliyam yugurib, jamoasini o'z ortidan ergashtirib yuribdi... QOYIL!

108` Aren Robbenni yana qo'pollik ishlatib to'xtatib qolishdi. Akosta ogohlantirildi.

107` Gollandiya tarkibida o'zgarish. Indi maydonni tark etdi. Uning o'rniga Xuntelaar tushdi.

106` Ikkinchi qo'shimcha taym boshlandi!

Birinchi qo'shimcha bo'limga tugadi.

105` Birinchi qo'shimcha bo'limga 2 daqiqa vaqt qo'shib berildi.

104` Jarima to'pi jonli devorga tegib qaytdi.

103` Robbenning darvoza tomon zarba yo'lladi va to'p himoyachini qo'liga tegdi. Jarima to'pi.

101` Kichik epizodlar. To'p yo'qotishlar.

99` Bittasi penalti so'raydi, bittasi offsaydda qolib ketmoqda.

97` Kosta-Rika tarkibida o'zgarish. Elcin Texeda o'rniga Kubero maydonga tushdi.

95` NAVASSSSSSSSSSS! Hozircha ushbu posbon fantastik tarzda darvozasini qo'riklamoqda!

93` Gollandiyada 10 offsayd qayd etildi. Qo'chqorov Robbenni yurishini bayroqchasi bilan "to'xtatib" qoldi.

91` Birinchi qo'shimcha bo'lim boshlandi!

Uxlashga shoshish yo'q! Bizlarni dramatik 30 daqiqa va balki "lotoreya" bahsi kutib turibdi...

Uchrashuvning asosiy daqiqasi tugadi! Qo'shimcha taymlar ko'ramiz!

90+4` UHHHHHHHHH! QANI GOL???? QANI GOLLLL???? VAN PERSI!?!?!? Elcin Texeda!!!!!!!!! Elcin va Navas hozir jamoasini maquarrar goldan qutqarib qolmoqda!!!!!!!! FANTASTIKA!

90+3` Robin van Persining bergan zarbasini Navas bartaraf etdi.

90+2` Robbenni yana to'xtatib qolishmoqda. Qo'pollik bilan! Jarima to'pi.

90` Uchrashuvning ikkinchi bo'limiga 4 daqiqa vaqt qo'shib berildi.

89` So'nggi daqiqa... Nahotki bugun ham qo'shimcha taymlar ko'ramiz? O'yindan oldin qo'shimcha taymgacha gol ko'rmaymiz desa ishonarmidingiz?

88` VAZIYAT! Robin van Persi!!!!!!!!! Qanday qilib bu vaziyatdan foydalana olmaslik mumkin??????

87` Hujumda ham Robben, o'ng qanotda ham Robben, chapda ham Robben! Himoyada ham Robben! Aren Robben har doimgidek faol!

86` Robin van Persining kuchli zarbasini Navas qaytarib qoldi va jamoasini muqarrar goldan saqlab qolmoqda! BRAVO, NAVAS!

85` UHHHHHHHHHHHHHHHH! XAVFLI VAZIYAT!!!!! QANI GOL?????? NAVAS!!!!!!!!!

84` Yana Robbenga qarshi qo'pollik. Jarima to'pi.

83` ZARBAAAAA!!! DARVOZA USTUNI!!!!!!!!! SNEYDER!

82` Gonzalezga esa ogohlantirish ko'rsatildi.

81` Gonzalez Robbeni jarima maydonchasi chizig'i oldida ushlab yiqitdi. Jarima to'pi.

79` Kosta-Rika tarkibida navbatdagi o'zgarish. Gamboa o'rniga Mayri tushdi.

78` Robben burchak to'pi ishlab oldi.

76` Gollandiya safida o'zgarish. Depay o'rniga Lens maydonga chiqdi.

74` De Vreyning boshi bilan yo'llagan zarbasi biroz noaniq ketdi. Xavfli!

72` Gollandiya katta kuch bilan oldinga bormoqda.

70` Kosta-Rika futbolchisiga tibbiy yordam ko'rsatilmoqda.

68` Gollandiyaning xavfli hujumi burchak to'pi bilan yakunlandi.

66` Kosta-Rika tarkibida o'zgarish. Kempbell o'rniga Urena tushdi.

64` Robin van Persi o'yindan tashqari holatda qolib ketdi.

62` Kosta-Rika jarima zarbasi ishlab oldi. Ruizning yo'llagan kuchli zarbasi darvozaga aniq bormadi.

60` Gollandiya navbatdagi burchak to'pini amalga oshirdi. Samarasiz.

58` Robben o'ng qanotdan kirib bordi va to'pni Kuytga uzatdi. Kuytning bergan zarbasiga himoyasi to'sqinlik qildi.

56` Gollandiya hujumda. Kosta-Rika himoyalanish bilan band.

53` Robbeni jarimadan uzatib bergan to'pini Sneyder darvozaga yo'lladi. Noaniq.

52` Robbenni tepib yiqitishdi. Jarima to'pi. Umanaga sariq kartochka.

51` Ikkinchi taym juda sekin davom etmoqda. Tezlik past.

49` Kosta-Rika hujum uyushtirdi. Lekin chap qanotdan etkazib berilgan to'pga aniq zarba bera oladigan futbolchi topilmadi.

48` Gollandiya to'pni o'z nazoratida ushlab turibdi. Kempbelldan tashqari Ksota-Rikaning qolgan barcha futbolchilari o'z jarima maydonchalari oldida harakatlanishmoqda.

46` Ikkinchi taym boshlandi!

TANAFFUS!

45` Birinchi bo'limga 1 daqiqa vaqt qo'shib berildi.

43` Robben van Persini qulay vaziyatga chiqardi. Lekin to'pga birinchi bo'lib Navas chiqib keldi va vaziyatni yumshatdi.

42` To'p gollandiyaliklarda. Kosta-Rika o'z jarima maydonchasi oldida juda zich joylashib olgan.

40` Jarima zarbasini Sneyder zo'r amalga oshirdi. Lekin Navas undanda zo'r "seyv"ni amalga oshirdi. To'p maydon tashqarisiga chiqib ketdi. Burchak to'pidan esa samara chiqmadi.

39` ZARBAAAA! SNEYDERRRR! NAVASSSSSS! AJOYIB!

38` Kosta-Rika futbolchilari yana Robbenga qarshi o'yin qoidasini buzishdi. Xavfli nuqtadan jarima to'pi.

35` Bu safar Robbenga qarshi o'yin qoidasi buzildi. Lekin Gollandiya bu standart vaziyatidan foydalana olmadi.

34` Robben Ermatovga etiroz bildirmoqda. Aren Robben haq. U jarima maydonchasi oldida raqibga nisbatan qoidani buzmagandi, lekin Ermatov bu vaziyatni noto'g'ri baholadi.

33` Bolanosning yo'llagan zarbasini Silessen egallab oldi.

32` Robin van Persi o'z jarima maydonchasi yaqinida raqibga nisbatan qoidani buzdi. Jarima to'pi.

30` Xavfli vaziyat! Kosta-Rika sardori Ruiz maydon markazida xatoga yo'l qo'ydi va to'pni raqibga berib qo'ydi. Gollandiyaliklar tezda hujumni rivojlantirishdi. Robin van Persining yo'llagan kuchli zarbasini Keylor Navas mahorat ko'rsatib zarbani bartaraf etib qoldi!

29` Kosta-Rika jarima zarbasini amalga oshirdi. Lekin bundan naf chiqara olishmadi.

27` Martins Indi oddiy vaziyatda to'pni uzatishda xatoga yo'l qo'ydi. Og'aynijon, bu senga Gollandiya chempionati emas.

26` Gollandiyaning navbatdagi hujumi. Abdulhamidillo Rasulov o'z bayroqchasini ko'tarib qoldi. O'yindan tashqari holat.

25` Birinchi bo'limni yarmi o'tib bo'ldi. Hozircha tablo ortiqcha ishlamadi. O'yin tempi esa borgan sari oshib bormoqda.

23` UHHHHH! ZARBA! ZARBA! NAVAS! NAVAS! Xavfli vaziyat! Gollandiya ajoyib hujumni tashkil qildi. Avvaliga van Persini yo'llagan zarbasini Navas qaytardi va qaytgan to'pga Sneyder zarba berdi, lekin yana Navas o'zini ko'rsatdi! Qoyil!

21` Kosta-Rika endi oldinga o'tdi. Gamboaning faolligi hujumni rivojlantirdi. Lekin bu vaziyatda ham darvoza tomon zarba berilgani yo'q.

19` Gollandiya oldinga bordi. Lekin ularni o'ylagan rejalarini amalga oshirishlariga raqiblar qarshilik qilishdi.

17` Hozircha futbolchilar darvozabonlarni bezovta qilishmayapti. Silessen va Navas bemalol issiqqina "ko'k choy" ichib olishlari mumkin.

15` Kosta-Rika to'pni "lolalar" yurti vakillaridan olib qo'ydi.

13` Kosta-Rika faollashdi. O'ng qanotdan Kempbell "reyd" uyushtirib ko'rdi. Lekin uchinchi himoyachi undan to'pni olib qo'ydi. Gollandiya ham tezda javob qaytarmoqchi bo'ldi. Lekin so'nggi bekatda ularni Kosta-Rika himoyachilari kutib olishdi.

11` Hozircha bizning "mahalla"da tinchlik. Goldan darak yo'q. O'yin tempi yuqori emas, juda pas ham emas. O'rtachaning o'rtachasi hozircha.

9` Gollandiya burchak to'pini amalga oshirdi. Lekin Kosta-Rika futbolchilarni ushbu vaziyatni bartaraf etishni uddasidan chiqishdi.

Ochkisi chiroyli ekan-a? Ko'zlarichi?

7` Kosta-Rika qarshi hujumda harakat qilib ko'rdi. O'xshamadi. Gollandiyalik himoyachilar o'z joylarida ishonchli harakat qilishdi.

5` Kosta-Rika hozircha Gollandiyaga o'z maydonchasi oldida harakatlanishiga yo'l qo'ymayapti.

4` Ravshan Ermatov ikkinchi bor xushtagini ishga solishga majbur bo'ladi. Bolanosga qarshi ko'pollik ishlatildi.

3` To'p bilan "lolalar" yurti vakillari...

Ha aytgancha, rekord muborak! Ravshan Ermatov rasman jahon rekordiga ega bo'ldi! Mundiallar tarixida eng ko'p o'yin boshqargan yagona hakam! O'ZBEK!

1` UCHRASHUV BOSHLANDI!

Aren Robbendan chiroyli "reyd"lar, van Persidan parvozlar, Kosta-Rikadan mardonavor o'yin va shiddatli futbol kutamiz! Ravshan Ermatovga esa omad!

Gollandiya hamda Kosta-Rika sardorlari Ravshan Ermatovni "qo'lini" olib qo'yishdi va kim to'pni o'yinga kiritib berishini "kelishib" olishdi.

#SayNoToRacism

Ravshan Ermatov o'rtada o'z "brigadasi" bilan turibdi. Har minutda "bokovoy"larga qarab: "Qaranglar, diqqat bilan offsay va boshqa detallarga etibor qaratinglar! Xato qilishga haqqimiz yo'q!" deb o'qtirib qo'ymoqda.

Kosta-Rikaga futbolchilari ham o'z mamlakatlari madhiyasini jo'r bo'lib aytishni boshlashdi...

Gollandiya terma jamoasi azolari madhiyani kuylashmoqda...

Jamoalar maydonga chiqib kelishdi.

"Lolalar"...

Tohir va Zuhra

Bugungi bahsni hamyurtimiz Ravshan Ermatov boshqarib boradi va jahon rekordini qayd etadi.

Assalomu aleykum qadrli futbol ishqibozlari! So'nggi yarim finalchi nomi aniqlanadigan chorak final bahsida Gollandiya hamda Kosta-Rika jamoalari o'zaro bellashishadi. Ushbu o'yindan matnli onlayn translyaciyani SHahboz Beg'amov uyushtiradi.

- O'yin soat 01:00da boshlanadi.