Go Oiva: "Bahsni yomon boshladik"

"O'zbekiston terma jamoasini o'rganib chiqqandik. Bu individual kuchli jamoa. Bugungi mag'lubiyat biz uchun alamli bo'ldi. Endi uchinchi o'rin uchun bahsga tayyorgarlik ko'ramiz",- dedi Go Oiva.

"Ikkita gol o'tkazib yubordik. Birinchi goldan keyin hisobni tenglashtirishimiz mumkin edi. O'z futbolimizni ko'rsata olmadik. Tezkor hujumlarga o'tishda qiynaldik", - dedi o'yinning eng yaxshi futbolchisi Joel Fujita.

- CHorak finalda Janubiy Koreyaga qarshi bahsda sizlarda barchasi o'xshagandi. Bugun esa ikkinchi taymda shogirdlaringizring kuchi qolmadi. Nimaga? 

- Biz o'yinga yaxshi tayyorlandik, ammo bu g'alaba uchun etarli bo'lmadi. Biz yanada yaxshi o'ynashimiz kerak edi.

- Bugun jamoangiz o'yinida nima o'xshamadi? 

- Bahsni yomon boshladik hamda ikkinchi taymda vaziyatni o'nglashga intildik. Afsuski bu amalga oshmadi. 

- Bugun sizni eng yaxshi futbolchi deb topishlarini kutganmidingiz?

Joel Fujita: - To'g'risi eng yaxshi deb topishganidan xursandman, ammo bugun eng yaxshi o'yinimni ko'rsatmadim. Bu g'alaba uchun etarli bo'lmadi. Raqib ham kuchli edi.

- Jaloliddinovning goli haqida nima deya olasiz? 

Joel Fujita:  - Bu kutilmagan gol bo'ldi. O'yinga qarasangiz, gol o'tkazishga loyiq emasdik. Ammo barcha ayb o'zimizda. 

- Jamoangizni bu musobaqadagi ishtirokini qanday baholaysiz? 

- Biz bu erga tajriba to'plash uchun kelmadik. Biz g'alaba qozonish uchun kelgandik. Menimcha yomon natija qayd etmadik. Turnir davomida futbolchilarim ancha o'sishdi.