“G'ijduvon” darvozaboni gol urdi

Ayniqsa “B” guruhida qiziqarli xolatlarga duch kelinmoqda. Xususan yaqinda muxlislar darvozabonning raqib darvozasini ishg'ol etganiga guvoh bo'ldi.

Aniqrog'i chempionatning 29-turida Yozyovonda kechgan bahsning so'nggi daqiqalarida “G'ijduvon” posboni Iskandar Mo'minov mezbonlar darvozasiga to'p kiritdi. Gap shundaki, uchrashuv bosh hakami Ahmadillo Ergashev (toshkentlik - muallif) 89-daqiqada yozyovonliklar darvozasi tomon 11 metrlik nuqtani ko'rsatdi. Penaltini “G'ijduvon” posboni Iskandar Mo'minov aniq amalga oshirib, hisobni 1:4 ko'rinishiga keltirgan xolda, o'yinga so'nggi nuqtani qo'yishga muvaffaq bo'ldi.

Milliy chempionatimiz tarixida Ignatiy Nesterov bundan bir necha yillar oldin raqib darvozasiga to'p kiritganini muxlislar eslasa ajab emas. Iskandar Mo'minov kuni-kecha Nesterovning natijasini takrorladi. Ko'ramiz, endi Mo'minovdan keyingi posbon kim bo'lar ekan.