Germaniyalik qalqon - Mats Xummels!

SHu munosabat bilan futbolchi haqidagi malumotlarni etiboringizga taqdim etamiz.

Mats Yulian Xummels (nem. Mats Julian Hummels; 1988 yilning 16 dekabrida, Bergish-Gladbax, Germaniya Federativ Respublikasida tug'ilgan) - germaniyalik futbolchi, myunxenning "Bavariya" klubi va Germaniya terma jamoasi futbolchisi.

Myunxenning "Bavariya" klubi tarbiyalanuvchisi. Otasi Xerman Xummels ham o'sha erda murabbiy sifatida faoliyat olib borgan.

2005 yildan boshlab ikki yil davomida "Bavariya-2" safida regional ligada ishtirok etib  42 ta o'yinda 5 ta gol kiritishga muvaffaq bo'lgan. 2006/07 yilgi mavsumdan boshlab "Bavariya"ning asosiy tarkibi bilan shug'ullanishni boshlaydi. 2007 yilda "Bavariya" bilan 2 yillik shartnomaga imzo chekadi. O'sha yilning 19 mayida Bundesligada ilk marotaba maydonga tushadi. Uning debyuti "Maync"ga qarshi o'yinga to'g'ri kelgandi. O'shanda myunxenliklar 5:3 hisobida g'alaba qozongandilar.

2008 yilda esa ijara asosida Dortmundning "Borussiya" jamoasiga ko'chib o'tadi. CHunki, yosh himoyachiga myunxenliklarning asosiy tarkibidan joy topilmagandi. Yurgen Klopp qo'l ostidagi "Borussiya"da u tezda jamoaning asosiy tarkib futbolchisiga aylana oldi.

2010/11 yilgi mavsumda esa Mats jamoasi bilan Bundesliga chempionligini qo'lga kiritdi. O'shanda "Borussiya" mavsum davomida sifatli futbol namoyish etgan, Xummels esa chempionat yakunlariga ko'ra eng yaxshi himoyachilardan biri bo'la olgandi. Navbatdagi mavsumda ham dortmundliklar chempionlikni qo'lga kirita oldilar. SHuningdek, Germaniya Kubogi sohibiga ham aylanadi. O'shanda finalda "Bavariya" 5:2 hisobida taslim etilgandi. Kelasi mavsumda esa "Borussiya" sovrinlar qo'lga kirita olmadi, lekin, ECHLda finalgacha etib borgan va hal qiluvchi o'yinda principial raqib - "Bavariya"ga imkoniyat boy beriladi.

2014/15 yilgi mavsum oldidan esa Xummels "Borussiya"ning yangi sardori etib tayinlanadi.

2016 yilning 10 mayida esa "Bavariya"ga ko'chib o'tadi va klub bilan 5 yillik shartnomaga imzo chekadi. Ayni payda "Bavariya" sharafini himoya qilmoqda.

Erishgan yutuqlari:

"Borussiya D"

Germaniya chempioni: 2011, 2012

Germaniya kubogi sohibi: 2012

Germaniya superkubogi sohibi: 2013, 2014

ECHL finalchisi: 2013



"Bavariya"

Germaniya superkubogi sohibi: 2016


Germaniya terma jamoasi

Jahon chempioni: 2014

Evropa chempionati bronza medali sohibi: 2012, 2016

Vikipediya malumotlari asosida tayyorlandi

Futbolga oid tezkor va muhim xabarlar saytimizning Telegram'dagi sahifasida! Obuna bo'lishni tavsiya etamiz > > > TELEGRAM'DAGI KANALIMIZ