Germaniya – O'zbekiston uchrashuvi “Bunyodkor”da

“Bunyodkor” stadioni restoranida uchrashuvni katta ekran qarshisida tomosha qilish tashkil etildi. Marosimda Germaniya Federativ Respublikasining O'zbekistondagi elchixonasi xodimlari, futbol jamoatchiligi vakillari, jurnalistlar ishtirok etishdi.

Uchrashuv boshlanishi arafasida “Bunyodkor” FK Birinchi vice-prezidenti – Bosh direktori Baxtiyor Boboev hamda Germaniyaning O'zbekistondagi favqulotda va muxtor elchisi janob Naytxart Xyofer-Vissing so'z olishib, jamoalarga omadlar tiladilar.

Tanaffus paytida O'zbekiston va Germaniya futboli tarixiga oid savollar asosida qiziqarli viktorina tashkil etildi. G'oliblarga “Bunyodkor” FK tomonidan tayyorlab qo'yilgan sovg'alar topshirildi.

Uchrashuv yakunlangach, o'yin natijasini to'g'ri topgan (avvaldan tarqatilgan kuponga to'g'ri hisob yozib qoldirgan) muxlisga maxsus sovg'a topshirildi. “Bunyodkor” FK prezidenti Bedil Alimov va GFRning O'zbekistondagi favqulotda va muxtor elchisi bir-birlariga futbol to'plarini sovg'a qilishdi.

Janob Naytxart Xyofer-Vissing tashkilotchilarga alohida minnatdorchilik bildirib, “Bunyodkor” vakillarini Berlinda bo'lib o'tadigan UEFA CHempionlar ligasining final uchrashuvini tomosha qilishga taklif etdi.

Tadbir fotojamlanmasi bilan ushbu HAVOLAga o'tgan holda tanishishingiz mumkin.