G'ayrat Umirov: "Navbahor" - bugungi kunda juda ham kuchli tarkibga ega"

Biz bellashuvdan oldin mehmonlar azosi G'ayrat Umirovning fikrlari bilan qiziqdik.

- "Navbahor" - bugungi kunda juda ham kuchli tarkibga ega klublardan biri hisoblanadi. Ammo ularni hurmat qilgan holda aytishim mumkin, biz o'yinda maydonga faqat g'alaba uchun tushamiz. Ishqibozlarni juda ham qiziqarli, murosasiz kurashlarga boy bellashuv kutib turibdi, deya olaman.

CHempionatning ilk o'yini bo'lgani tufayli har ikkala jamoa azolarida ham hayajon bo'lishi tabiiy, biroq bizdan farqli ravishda maydon egalarida bosim ko'proq bo'ladi. Sababi, mavsumni o'z muxlislari ko'z o'ngida boshlash murakkabroq. Biz shundan foydalanishga harakat qilamiz. Nasib qilsa, Toshkentga yorug' yuz bilan qaytamiz, degan umiddaman, - deydi Umirov.

"Obod" matbuot xizmati