Prevyu. G'alabasiz 8576 kun yoxud "Surxon" 23 yildan buyon "Nasaf"ni yuta olmayapti
09 apr 2023 11:45
Yangiliklar
![](https://championat.asia/upload/storage/746481_original.jpg)
![](/upload/storage/746481_220.jpg)
Prevyu. G'alabasiz 8576 kun yoxud "Surxon" 23 yildan buyon "Nasaf"ni yuta olmayapti
O'ZARO O'YINLAR
"Nasaf" va "Surxon" klublari shu kungacha O'zbekiston yuqori ligasida 24 marta to'qnash kelishgan. Kattagina ustunlik Qarshi klubi tomonida. "Ajdarlar" 19ta bahsda g'alaba qozonishgan. 4ta uchrashuvda durang qayd etilgan va "Surxon" o'z tarixida faqat bir bor "Nasaf"dan ustun kelgan (1999 yil, 10 oktyabr).
24ta o'yinda "Nasaf" 64ta gol urgan bo'lsa, "Surxon" hisobida 17ta gol mavjud.
QARSHIDAGI BAHSLAR
Qarshida o'tgan 12ta uchrashuvning barchasida (!!!) "Nasaf" 3 ochko sohibiga aylangan. Yani "Surxon" o'z tarixida hech qachon Qarshida xattoki 1 ochko ham ololmagan. "Nasaf" maydonidagi o'yinlarda 36ta gol urgan, "Surxon" faqat 1 marta Qarshida to'p kiritgan xolos (1997 yil).
Ushbu jamoalar o'rtasidagi o'zaro oxirgi oltita o'yin:
"Surxon" - "Nasaf" 0:2
"Nasaf" - "Surxon" 2:0
"Surxon" - "Nasaf" 2:2
"Nasaf" - "Surxon" 6:0
"Nasaf" - "Surxon" 5:0
"Surxon" - "Nasaf" 1:2
HAKAMLAR
O'zbekiston futbol hakamlari markazi bo'lajak uchrashuvga bosh hakam etib Temur To'xtasinovni tayinlagan. VAR hakami sifatida esa Ilgiz Tantashev ishlaydi.
To'xtasinov 2019 yilgi mavsumda bu jamoalarning Qarshida o'tgan uchrashuvida bosh hakam bo'lgan. O'shanda Oybek Bozorov va Humoyun Murtozaevning gollari "Nasaf"ga g'alaba keltirgandi - 2:0.
"Nasaf" - "Surxon"
9 aprel 2023 yil. Qarshi, "Markaziy" stadion. 18:15
Hakamlar: Temur To'xtasinov, Obid Jumaev, Jasur Rustamov, Nikita Mustafin.
VAR: Ilgiz Tantashev.
AVAR: Avaz Abdullaev.
Nazoratchi: Timur Galeev.
Komissar: Jahongir Rahmatullaev.
BU MAVSUMDAGI NATIJALAR
2023 yilgi mavsumda har ikkala jamoa hozirgacha bir xil ochko to'plagan - 7. "Nasaf" dastlabki turda o'z maydonida "Andijon"ga imkoniyatni boy bergandi. Keyin "Turon" va "Buxoro" mahv etildi. Bundan oldingi turda Navoiyda "Qizilqum" bilan ochkolar bo'lishib olindi.
"Surxon" esa ilk turda OKMKga yutqazgandi, keyin "Andijon" mag'lub etildi, safarda "Turon" bilan durang o'ynadi hamda 4-turda "Buxoro"dan ustun keldi.
MUALLIF TAXMINI
Oldingi natijalarni hisobga olsak "Nasaf" bu bahsda so'zsiz favoritdek. Ammo bu yil "Nasaf"ning natijalari pasaygan, "Surxon"ning natijalari esa yaxshilangan. Bo'lajak bahsda baribir "ajdarlar" kichik hisobda bo'lsa ham g'alaba qozonsa kerak.
Nasaf Mateus Lima - 29', SHerzod Nasrullaev - 76' |
Superliga. 5-tur 09/04/2023, 18:15 2
:
3
Tugadi
|
Surxon Silvanus Nimeli - 35', Asadbek Karimov - 62', Artyom Potapov - 66' |
Narzulla Saydullaev tayyorladi
O’xshash yangiliklar
![AMP Logo](https://championat.asia/image/logo-amp.png)
Fikrlar