Futzal. O'zbekiston ayollar terma jamoasi Osiyo chempionatida 1/8 finalga chiqdi! FOTO

Qita chempionatida ishtirok etayotgan O'zbekiston ayollar terma jamoasi kecha musobaqadagi ilk uchrashuvni Turkmanistonga qarshi o'tkazdi va 3:1 hisobida zafar quchdi.

1-turda Eron Turkmanistonni 14:0 hisobida mag'lubiyatga uchratgandi. SHunday qilib, qizlarimiz bitta g'alaba bilan guruhdan chiqish masalasini ijobiy hal qilib qo'yishdi. Sababi bizning guruhda 3ta jamoa bor. O'zbekiston Eron bilan o'yinda qanday natija qayd etsa ham 2-o'rindan pastga tushmaydi.

7 may kuni Avaz Maxsumov shogirdlari Eronga qarshi bahs olib borishadi. Ushbu bahs g'olibi guruhda 1-o'rinni egallaydi.

Futzal bo'yicha ayollar o'rtasidagi Osiyo chempionati.
O'zbekiston – Turkmaniston 3:1
Gollar: Z.Nazarova (17), R.Safina (19), M.Burhonova (23) - X.Eshniyozova (40).
O'zbekiston: L.Tilovova, Z.Nazarova, F.Turdiboeva, M.Munavarova, L.Karachik
Zaxira: M.Burhonova, N.Kamoltoeva, X.Dadaboeva, I.Turdalieva, R.Safina, M.SHoyimova, M.Jonimqulova, T.Zarbieva, N.Kudratova.
Turkmaniston: N.Kulikova, S.Mammetsaxedova, M.CHorieva, X.Eshniyozova, O.Xalilova.