Futzal. O'zbekiston 2016 yilgi Osiyo chempionatini Toshkentda o'tkazish uchun ariza topshirdi

Hisob bo'yicha XIV Osiyo chempionati 2016 yilda bo'lib o'tadi. O'zbekiston Futzal Associaciyasi ana shu qita birinchiligini Toshkentda o'tkazish uchun rasman ariza topshirdi. XIV Osiyo chempionatining muhim tarafi shundaki, unda terma jamoalar Jahon chempionatiga to'rtta yo'llanmani qo'lga kiritish uchun ham kurash olib boradilar. Futzal bo'yicha navbatdagi Jahon chempionati ham aynan 2016 yilda Kolumbiyada bo'lib o'tadi.

Eslatib o'tamiz, O'zbekiston bungacha qita birinchiligiga ikki marta mezbonlik qilgan va har ikkisida ham finalga chiqqan. Afsuski, o'sha yillardagi Osiyo chempionatida mundial yo'llanmalari o'ynalmagan.