So’nggi yangiliklar

12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  5 11:56Тимур Кападзе Паулу Бенту ҳақида фикр билдирди  16 11:44Карлуш Кейруш: "Бир неча йил аввал Ўзбекистон футболи "уйқу"да эди"  6 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  5 10:53Довбик А Сериянинг бошқа жамоасига ўтишга яқин  3 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  46 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5

Futzal. Nodir Eliboev: "Osiyo chempioni bo'lmoqchimiz" Yangiliklar

Futzal. Nodir Eliboev: "Osiyo chempioni bo'lmoqchimiz"

Teglar :  FutzalNodir Eliboev
Bu yilgi Osiyo chempionati avvalgilaridan ancha farq qiladi, boyisi joriy yilgi turnirda jahon chempionatiga uchun 5ta yo'llanma ajratilgan.

Ushbu yirik musobaqaga mezbonlik qilish xuquqini OFK O'zbekistonga taqdim etganining o'zi biz uchun katta omad bo'ldi. Avvalgi jahon chempionati yo'llanmasini O'zbekiston terma jamoasi qo'lga kirita olmagandi. Bir qator terma jamoalar bilan o'rtoqlik uchrashuvlarini o'tkazgan O'zbekiston futzal terma jamoasi ayni damda Toshkentda Osiyo chempionati uchun jiddiy tayyorgarlik ko'rmoqda. Biz O'zbekiston futzal terma jamoasi safida bir necha yildan buyon o'ynab kelayotgan Nodir Eliboev bilan uchrashib undan Osiyo chempionatiga tayyorgarlik haqida intervyu oldik.


-  Bu yilgi Osiyo chempionatiga qay darajada tayyorgarlik ko'ryapsizlar?
-  Tayyorgarlik ayni avjiga chiqqan pallada desam ham bo'ladi, kuniga ikki mahaldan mashg'ulot o'tkazyapmiz, ko'proq texnikaga etibor qaratilyapti. Ispaniyadan jismoniy tayyorgarlik bo'yicha murabbiy, Braziliya davlatidan esa fizioterapevt jalb etilgan. Tayyorgarlik jarayonida bir qator xorij terma jamoalari bilan o'rtoqlik o'yini o'tkazdik. Misol uchun qitamizning kuchli terma jamoasi hisoblangan Yaponiyaga qarshi ikki marta maydonga tushdik. Ilk uchrashuvda 0:3 hisobida mag'lub bo'ldik, javob o'yinida (4:4) durang natijasi qayd etildi. Evropa terma jamoasi bilan ham ikkita o'rtoqlik o'yini o'tkazdik. Birinchi uchrashuvda 2:4 hisobida mag'lub bo'lgan bo'lsak, ikkinchi uchrashuvda esa 5:3 natijasiga ko'ra bizning qo'limiz baland keldi. Yana bir qancha terma jamoalar bilan o'rtoqlik o'yini o'tkazdik. Yaqin kunlarda Qozog'iston va Vetnam terma jamoasiga qarshi ikkita navbatdagi o'rtoqlik o'yinini o'tkazamiz.

-  Guruhimizga to'xtalsak, 2000 yili Qirg'iziston terma jamoasiga qarshi o'yinda (15:6), 2005 yilda (6:2), 2006 yili yarim finalda (4:2), 2014 yili esa (2:2) hisoblari qayd etilgan. Ushbu hisoblar nimadan dalolat beradi, Qirg'iziston terma jamoasi yildan yilga o'sib boryaptimi?

-  SHu narsaga ham etibor qaratibsizlar, bu hisoblar O'zbekiston terma jamoasi yildan yilga pasayib boryaptganidan dalolat bermaydi, balki qitamizdagi barcha terma jamoalarning o'sib borayotganini bildiradi. Misol uchun Eron terma jamoasini oladigan bo'lsak, bir necha yil oldin bu terma jamoa raqiblari darvozasiga kamida 7-8ta gol joylab qo'yar edi. Hozirgi kunga kelib esa ayrim jamoalar Eron bilan deyarli tengma–teng kurash olib boryapti. To'g'ri Eron terma jamoasini kuchsiz bo'lib qoldi demoqchi emasman, deyarli hammada avlodlar almashinuvi ro'y beradi. SHu jumladan bizda ham. 


- Osiyo chempionati qura natijasi biz uchun omadli keldi deya olasizmi?
- Ha albatta omadli keldi deya olaman. Osiyo chempionati O'zbekistonda o'tkazilishining o'zi biz uchun katta omad, qura natijasi esa yanada omadli keldi. Agar guruhda birinchi pog'onani band etadigan bo'lsak menimcha finalgacha Yaponiya va Eron terma jamoalariga qarshi to'qnash kelmas ekanmiz.

- Sizlar uchun rahbariyat tomonidan oldilarga faqat jahon chempionati chiptasini qo'lga kiritish qo'yilganmi?
- Eng avvalo oldimizga qo'yilgan vazifa bu Osiyo chempioni degan nomga sazovor bo'lish, chunki bu unvonga ega bo'lish uchun bir necha yildan beri mehnat qilib harakat qilyapmiz. Xudo xohlasa barcha ishlarimiz o'ngidan keladi va biz Osiyo chempioni bo'lib jahon chempionatiga boramiz.

- Keling endi guruhimizdagi Saudiya Arabistoni terma jamoasiga to'xtalsak, ushbu jamoa haqida biron bir malumotga ega bo'ldinglarmi?
- Hozircha ushbu terma jamoa qanday o'yin namoyish etishadi, kimlar o'ynaydi hech qanday malumotga ega emasmiz. O'ylaymanki murabbiylarimiz ular haqida malumot to'plashyapti. Guruh bosqichidagi o'yinimizga qadar murabbiyimiz bizni ushbu terma jamoaga qarshi bemalol tayyorlay oladi.


- SHaxsiy hayotingizda qanday yangiliklar bor?
- SHaxsiy hayotim haqida gapiradigan bo'lsam, bankda ishlayotganimni inobatga olmasak u darajada katta o'zgarish bo'lmadi, faqat bir yoshga ulg'aydim.

- Bilamizki siz Qozog'istonning “OzenMunayGaz” jamoasida to'p tepib qaytdingiz. Sizga  ushbu jamoadanmi yoki boshqa jamoalardan takliflar bo'ldimi?

-  Hech qaysi jamoalardan takliflar bo'lmadi, taklif bo'lsa ham rad etgan bo'lardim. CHunki futzaldan tashqari Toshkentda o'zimni shaxsiy ishim bor, shuning uchun Toshkentdan boshqa erga keta olmayman.

- Suhbatimiz so'nggida muxlislarga tilaklaringiz.

- Yurtimiz tinch osmonimiz musaffo bo'sin, yurtdoshlarimiz doimo sog'–salomat bo'lishsin. Osiyo chempionatida bizning o'yinimizga tashrif buyurib qo'ldan kelgancha qo'llab-quvvatlashsin. Eng asosiysi omad hech qachon ularni tark etmasin.  

Jahongir Sotvoldiev suhbatlashdi.


Reyting:    

Fikrlar

championat.asia
< so’nggi yangiliklarni ko’rish
Яндекс.Метрика