So’nggi yangiliklar

19:20Клопп: "Диогу нафақат фантастик футболчи, балки ажойиб дўст, меҳрибон ва ғамхўр эр ва ота эди!"  0 19:10Суперлига. "Шўртан" – "Қизилқум". Таркиблар маълум  0 18:45"Реал" футболчиси жамоани тарк этиши учун пул таклиф қилди  4 18:16"Барселона" 3 нафар футболчисини трансферга қўяди: Каталония клубини ким тарк этади?  5 17:53Мюллер футболдаги трансфер нархларини танқид қилди  3 17:40Ҳужжатларни сохталаштириш билан боғлиқ ҳолат сабаб "Нефтчи" ходимларининг иши ЎФА қўмитасида кўриб чиқилади  10 17:18Расман: Саудия Арабистони чемпионати афсонаси "Ал Ҳилол"да ўйнайди  1 16:50"Нефтчи" ишончли ғалабага эришиб, 3-поғонага жойлашган беллашувдан ГАЛЕРЕЯ  0 16:35Лейла Ораниязова: "Лаосга қарши бироз қийналдик"  0 16:20CAFA Nations Cup мусобақасига қуръа ташланди: Ўзбекистон Ўмон билан бир гуруҳдан жой олди  6 15:58Роналду Диогу Жотанинг фожиали вафотига муносабат билдирди  3 15:30Клуб Диогу ва Андренинг шахсий дахлсизлиги ҳурмат қилинишини истайди — "Ливерпуль" футбол клуби  17 15:10Суперлига. 15-тур дисквалификациялари: "Бунёдкор", "Сурхон" ва "Бухоро"да йўқотишлар мавжуд  0 14:55Людмила Карачик: "Кейинги учрашувда Осиё Кубоги йўлланмасини қўлга киритиш учун майдонга тушамиз"  0 14:40Шавкат Мирзиёев Озарбайжон президентини мини-футбол бўйича Жаҳон чемпионати ғолиблиги билан табриклади  0

Futbolchilarni tishlarini yuvishga majburlaydi, mashg'ulotlarni dronda suratga oladi, Injildan iqtiboslar keltiradi. Husayn Norchaev klubiga bosh murabbiy bo'lgan murabbiy haqida nimalarni bilish kerak? Yangiliklar

Futbolchilarni tishlarini yuvishga majburlaydi, mashg'ulotlarni dronda suratga oladi, Injildan iqtiboslar keltiradi. Husayn Norchaev klubiga bosh murabbiy bo'lgan murabbiy haqida nimalarni bilish kerak?

"Rus Marselo Belsa" laqabli Evgeniy Kaleshin bilan tanishamiz.

Kecha "Alaniya"ga Evgeniy Kaleshin bosh murabbiy etib tayinlangani malum bo'ldi. Vladikavkaz klubida uning qo'l ostida hamyurtimiz Husayn Norchaev ishlaydi. Xo'sh, Kaleshin haqida esa nimalarni bilishimiz kerakligi haqida gaplashamiz.

Evgeniy Kaleshin – sulola futbolchisi. U o'yinchi sifatida "Tom", "Krasnodar", "Alaniya" va boshqa ko'plab klublarda harakat qilgan. Evgeniyning hisobida RPL va MFLda 450dan ortiq o'yinlar bor. Uning bobosi va otasi ham professional darajada futbol o'ynagan. Evgeniyning "Kuban", "Rubin" va "Krasnodar"da o'ynagan Vitaliy ismli ukasi bor.



Evgeniy Kaleshin faoliyati yakunida murabbiy bo'ldi. U "Krasnodar"ning ikkinchi jamoasida boshladi, shundan so'ng uzoq vaqt davomida "Kuban"da ishladi. Keyinchalik Evgeniyni "Baltika"ga taklif qilishdi va u erda ilk bor murabbiylik iqtidori uchun maqtov oldi. Kaleshin Kaliningrad klubini MFL autsayderidan RPLga chiqish uchun davogarga aylantirdi. "Baltika" ikki bor Rossiyaning oliy divizioniga chiqishga yaqin edi, ammo har safar biroz etmadi.

Ammo, Kaleshinga ko'proq mashhurlikni "Akron"dagi ishi taqdim etdi. Tolyattidagi xususiy klub kamtargina byudjeti va unchalik ham yulduzli bo'lmagan tarkibi bilan Rossiya kubogining yarim finaliga qadar etib bordi. "Akron" turnir davomida "Spartak", "Dinamo" va "Lokomotiv"ni musobaqadan chiqarib yubordi, finalga bir qadam qolganda esa "Krasnodar"ga penaltilar seriyasida imkoniyatni boy berdi. SHundan so'ng Kaleshin haqida Rossiyaning eng istiqbolli murabbiylaridan biri sifatida gapirishdi.

Evgeniyni rus matbuotida bazida "rus Marselo Belsasi" deya atashadi. Kaleshin argentinalik murabbiyning ishidan rohatlanishini yashirmaydi. "Men bu nomga xotirjamlik bilan qarayman, bunda hech qanday yomon narsa yo'q. Hattoki bu balki kichik avansdir. Sababi bu shaxs men uchun nafaqat murabbiy sifatida, balki inson sifatida ham mo'ljaldir. Unga o'xshashni xohlayman, shu sabab bu erda hech qanday yomon narsa yo'q. Aksincha, hattoki menga yoqimli ham", - dedi Kaleshin intervyulardan birida.



Evgeniy bir marta o'sha paytda "Lill"da ishlagan Belsaning oldiga amaliyotga borishi kerak edi, ammo rus murabbiyi hujjatlarni rasmiylashtirayotganda argentinalikni klubdan istefoga chiqarishdi. Kaleshin yakunda "Sampdoriya"ga Marko Jampaoloning yoniga amaliyotga yo'l oldi. Evgeniy hech qachon Italiyada o'ynamagan, ammo o'zi uchun italyan tilini o'rgangan. "Italyan tilida biroz gaplashaman, ammo men bilan barchasini so'zma-so'z tarjima qilgan tarjimon bor edi. Menda murabbiy bilan ikki soatlik uchrashuv bo'lib o'tdi, shunday ekan xohlaganingni so'ra. SHu bilan birga barcha xodimlar bilan gaplashishim mumkin edi, meni kiyin almashtirish xonasiga qo'yishdi. Guruh bo'lib amaliyotga borganda bunaqasi kamdan-kam sodir bo'ladi. "Sampdoriya" menga sovg'a ham tayyorladi: "Yuventus" – "Roma" o'yiniga ikkita chipta. O'shanda men bilan rafiqam uchib kelgandi va biz poezdda o'yinga yo'l oldik. Juda ham ajoyib munosabat", - deydi Kaleshin.

Kaleshin aynan o'sha amaliyotda mashg'ulotlar dronda suratga olinayotganini ko'rdi. Uyga qaytgan Evgeniy birdaniga mashg'ulotlar jarayonini o'z jamoasiga olib kirdi. Murabbiy o'sha erda yana bir necha qiziqarli jihatlar, masalan tupurukni tahlil qiladigan narsani ko'rdi. "Tupuruk testosteron darajasini ko'rsatadi. SHu yo'l bilan futbolchining yuklamadan so'ng qanchalik yaxshi tiklanganini aniqlash mumkin", – deya tushuntirdi Kaleshin.

Bundan tashqari, Evgeniy mashg'ulotlardan so'ng o'yinchilariga tishlarini yuvishga majburlaydi: "Og'izdagi shilliq qavat mashg'ulotlardan so'ng ishqorli bo'ladi. Bundan qanchalik erta xalos bo'lsang miya shunchalik tezroq glikogenning tiklanishini qabul qiladi. 30 daqiqaga kechiksang – sekinroq tiklanasan. Yig'inlarda esa ikkitadan mashg'ulot bo'lib o'tadi va ular orasidagi to'rt-besh soatni maksimal foyda bilan o'tkazish muhim".



Ammo, Kaleshinda eng noodatiy amaliyot bo'lgan... xokkey klubida! Evgeniy bir yil oldin xokkeydagi "Torpedo"da murabbiylik ishining sirlarini bilish uchun Nijniy Novgorodga yo'l oldi. Jamoa bosh murabbiyi Igor Larionov hisoblanadi – u MXL tarixidagi eng yaxshi rus xokkeychilaridan biridir. Larionovni noyob intellekti va muz ustida ko'rsatadigan noodatiy aqlli o'yini uchun okean ortida "Professor" deb atashgan.

Kaleshin xokkey va basketbolga juda ham qiziqishini tan olgan. "MXLdagi ilk finalimni 1994 yilda ko'rganman. Larionov "Torpedo"ni shug'ullantirayotganini bilganimda borish kerak dedim! U Venger va Gvardiolaning oldiga amaliyot uchun borganini aytgan. Uning jamoasi xokkeyni futbolchasiga o'ynaydi: mudofaadan faqat pas orqali chiqiladi. Larionov futbolda juda ham malakali. Barchasini tushunadi, mashg'ulotlar jarayoniga qiziqadi. U bilan suhbatda murabbiylar shtabimiz to'g'ri yo'lda ekanligini tushundim. "Torpedo"da ham ovqatlanish, tiklanish va o'yinchi bilan bog'liq har bir detallarni kuzatishadi", - Kaleshin.

Evgeniy Kaleshin juda ham dindor inson. "Hech bo'lmasa kunda bir marta [Injilni] o'qishga harakat qilaman. Hatto "Spartak" bilan o'yin oldidan o'yinchilarga: "Xudo Injilda 365 bor "qo'rqma" deb aytgan dedim. Har kuni bir martadan. SHunday ekan, nimadan qo'rqishimiz kerak", - dedi Kaleshin.


Evgeniy Kaleshin – juda qiziqarli va istiqbolli murabbiy. Husayn Norchaevning uning qo'l ostida "Alaniya"da ko'proq o'yin amayotiga ega bo'lishiga umid qilamiz.


Nikolay Egorichev tayyorladi.

Reyting: +2   

Fikrlar

championat.asia
< so’nggi yangiliklarni ko’rish
Яндекс.Метрика